آن لائن ٹی شرٹ خریدنا مہنگا پڑگیا، اکاؤنٹ سےبقیہ رقم غائب

آن لائن ٹی شرٹ خریدنے کے بعد جنوبی 24 پرگنہ کے سونار پور کے رہنے والے نوجوان کے اکاؤنٹ سے ایک لاکھ 26 پزار روپے غائب ہو گئے۔

مغربی بنگال میں گزشتہ چند ہفتوں کے دوران آن لائن جعلسازی کے متعدد معاملات کے سامنے آنے کے بعد کولکاتا پولیس اور مغربی بنگال پولیس نے صارفین کے لئے الرٹ جاری کردیا ہے۔

آن لائن ٹی شرٹ خریدنے کے بعد جنوبی 24 پرگنہ کے سونار پور کے رہنے والے نوجوان کے اکاؤنٹ سے لاکھوں روپے غائب ہو گئے۔
ذرائع کے مطابق گزشتہ 11 جولائی کو سونار پور تھانے علاقے کے رہنے والے نوجوان سندیپ پال نے ٹی شرٹ خریدنے کے لئے آن لائن آرڈر کیا۔ آن لائن آرڈر کے تحت کوریر کے ذریعہ ٹی شرٹ ان کے گھر پہنچائی گئی۔

لیکن سندیپ پال کو ٹی شرٹ پسند نہیں آئی اور انہوں نے فون کرکے ٹی شرٹ واپس کرنے کیلئے بات کی ۔

ای کمپنی کی جانب سے بتایا گیاکہ ان کے موبائل پر اوٹی پی آئے گا اور ٹی شرٹ واپس کرنے کی رقم ان کے اکاؤنٹ میں راست چلی جائے گی۔
سندیپ پال نے کمپنی کی ہدایت کے مطابق بتائے گئے پروسیس پر عمل کیا۔

چند گھنٹوں کے بعد ان کے موبائل پر ایک لاکھ 26 ہزار روپے نکالنے کو لےکر پیغام آتا ہے۔
سونار پور تھانے کی پولیس کا کہنا ہے کہ پورے معاملے کی تفتیش کی جا رہی ہے۔سائبر کرائم ڈیپارٹمنٹ بھی اس معاملے کی تفتیش کر رہا ہے۔

پولیس نے بتایا کہ پورا معاملہ آن لائن جعلسازی کا ہے۔ اس کے تحت آگے کی کارروائی کی جائے گی ۔

اس معاملے میں دہلی پولیس سے رابطہ کیا گیا ہے۔