کولکاتا ایسٹ ویسٹ میٹرو کا کام بند

کولکاتا میٹرو کے سرنگ کی کھدائی کے دوران مکانات منہدم ہونے کی وجہ سے کھدائی کا کام روک دیا گیا ہے۔

کولکاتا میٹرو ریلوے کی جانب سے میٹرو کا کام فی الحال بند کرنے کا فیصلہ کیا گیا ہے۔ میٹرو ریلوے انتظامیہ کی طرف سے کہا گیا کہ ماہرین کے ساتھ تبادلہ خیال کرنے کے بعد ہی دوبارہ کام شروع ہوگا اور اس کا فیصلہ 16 ستمبر کو ہوگا۔

اطلاعات کے مطابق میٹرو ریلوے نے چیف جسٹس کو اطلاع دی ہے کہ اب تک بہو بازار سے 323 افراد کی نقل مکانی کی جا چکی ہے. اس معاملے کی اگلی شنوائی 16 ستمبرکو ہوگی۔

میٹرو ریلوے کی جانب سے عدالت کو بتایا گیا ہے کہ اب تک ایسٹ ویسٹ میٹرو کی سرنگ کا 9.8 کیلو میٹر تک کام مکمل ہو چکا ہے اور اب صرف ایک کیلو میٹر کا کام باقی ہے.