بی ایس ایف کے کانسٹبل کوہاتھ گنوانا پڑا

بھارت ۔ بنگلہ دیش سرحد پر جانوروں کے اسمگلروں کے حملے میں بی ایس ایف کے جوان شدید طور پر زخمی ہو گیے۔ حملے میں انہیں اپنا ایک ہاتھ گنوانا پڑا۔

مغر بی بنگال کے شمالی 24 پر گنہ کے بنگاؤں میں واقع انگریل آؤٹ پوسٹ کے قریب اسمگلروں کا ایک گروہ جانوروں کو بنگلہ دیش اسمگل کرنے کی کوشش کر رہا تھا تبھی بی ایس ایف کے 64 بٹالین کے جوانوں نے انہیں روکنے کی کوشش کی۔

اسمگروں نے دیشی بم سے بی ایس ایف جوانوں پر حملہ کردیا ۔ اس حملے میں بی ایس ایف کے کانسٹیبل انیس الرحمن شدیدطور پر زخمی ہوگیے۔

بی ایس ایف ذرایع کے مطابق کانسٹیبل انیس الرحمن کو پہلے بنگاؤں ہسپتال میں داخل کرایا جہاں ان کی حالت بگڑنے پر کولکاتا میڈیکل کالج اینڈ ہسپتال منتقل کیاگیا۔

بی ایس ایف کے مطابق انیس الرحمن کے دائیں ہاتھ ضائع ہونے کی وجہ سے کاٹنا پڑا ہے۔ وہ بے ہوش ہیں مگر ان کی حالت خطرے سے باہر ہے۔

ذرائع کے مطابق سرحد پر اسمگلروں نے بی ایس ایف پر دیشی بموں سے حملہ کیا جس میں انیس الرحمن شدیدطور پر زخمی ہوئے ۔ سرحد پر سیکورٹی انتظامات سخت کردیے گیے ہیں۔