Lalan Sheikh Death للن شیخ کی بیوی نے سی بی آئی افسر کی گرفتاری کا مطالبہ کیا

باگٹوئی بم حملے کے کلیدی ملزم لالن شیخ کی لاش پیر کی شام بیر بھوم کے رام پورہاٹ میں سی بی آئی کیمپ کے بیت الخلا سے برآمد ہوئی۔ للن کی بیوی ریشما بی بی نے سی بی آئی کے آن ڈیوٹی افسر کی گرفتاری کا مطالبہ کیا۔ Lalan Sheikh Death

رامپورہاٹ: مغربی بنگال کے بیربھوم ضلع کے رام پور ہاٹ میں واقع سی بی آئی کے کیمپ کے جے بیت الخلا میں باگٹوئی بم حملے کے میبنہ ماسٹر مائنڈ شیخ کی لاش پائی گئی تھی۔ لالن شیخ کی بیوہ ریشما بی بی نے کہا کہ ان کے شوہر کا قتل کیا گیا ہے ۔ انہوں نے اس واقعہ کی سی آئی ڈی تحقیقات اور سی بی آئی کے ان ڈیوٹی افسر کی گرفتاری کا مطالبہ بھی کیا۔ یہاں تک کہ مقتول کی بیوی نے سی بی آئی کے تفتیشی افسر کی گرفتاری تک لاش لینے سے انکار کردیا۔ Lalan Sheikh Wife Reshma Demand to Arrest CBI Officer

دریں اثنا، سی بی آئی کیمپ کے بیت الخلا میں للن شیخ کی پراسرار موت کے بعد بیر بھوم کے باگٹوی میں پولس فورس تعینات کر دی گئی ہے۔ سی بی آئی کیمپ آفس میں بھی مرکزی فورسز کی طرف سے سخت حفاظتی انتظامات کیے گئے ہیں۔ مجموعی طور پر سی بی آئی کی حراست میں باگٹوئی حملے کے کلیدی ملزم لالن شیخ کی موت کو لے کر اب بھی حالات کشیدہ ہے ۔

لالن شیخ کی بیوہ ریشماں بی بی نے دعویٰ کیا کہ سی بی آئی نے ان کے شوہر کو قتل کیا ہے۔ لالن کو بار بار دھمکیاں دی گئیں، شدید طریقے سے مارا پیٹا گیا۔ یہاں تک کہ انہوں نے اپنی زبان کاٹنے کی دھمکی بھی دی۔ انہوں نے واقعہ کی سی آئی ڈی تحقیقات کا بھی مطالبہ کیا۔ ساتھ ہی ریشما نے باگٹوئی کیس کی تفتیش کرنے والے سی بی آئی کے تفتیشی افسر کی گرفتاری تک لاش لینے سے انکار کردیا۔

انہوں نے کہا کہ جب تک سی بی آئی کے افسر کی گرفتاری عمل میں نہیں آتی اس وقت تک وہ اپنی شوہر کی لاش نہیں لیں گی۔ مقامی باشندے بھی قتل کے خلاف احتجاج میں شامل ہیں۔ واضح رہے کہ رواں سال مارچ میں باگٹوئی بم حملے کی وجہ سے ریاستی سیاست میں کھلبلی مچ گئی تھی۔ یہ واقعہ 21 مارچ کی رات کو پیش آیا تھا۔ مبینہ طور پر اس دن تقریباً 8:30 بجے، ترنمول لیڈر اور بارسال گاؤں پنچایت کے نائب پردھان بھدو شیخ کو بم مار کر قتل کر دیا گیا تھا۔ مبینہ طور پر اس قتل کا بدلہ لینے کے لیے اس گاؤں میں جوابی حملہ کیا گیا۔ رات کے اندھیرے میں بدمعاشوں نے گاؤں کے کئی گھروں کو آگ لگا دی۔

گاؤں کے 10 سے 12 گھر جل گئے۔ آگ لگنے سے 8 افراد جاں بحق ہو گئے۔ ان میں سے سات ایک ہی خاندان کے افراد تھے۔ اس کے علاوہ مزید دو افراد کو شدید زخمی حالت میں جائے وقوع سے بچا لیا گیا۔ انہیں تشویشناک حالت میں رامپورہاٹ میڈیکل کالج اسپتال میں داخل کرایا گیا، لیکن بعد میں وہ بھی مر گئے۔ مارے گئے تمام لوگ مسلمان تھے۔ بھدو شیخ کے پارٹنر لالہ شیخ کو سی بی آئی نے 4 دسمبر کو باگٹوئی قتل عام کیس میں کلیدی ملزم کے طور پر گرفتار کیا تھا۔