کولکاتا: مغربی بنگال کے دارالحکومت کولکاتا سے چند کلومیٹر کے فاصلے پر واقع مسلم اکثریتی تجارتی علاقہ توپسیا میں سانپ گاچھی آٹو اسٹینڈ کی جانب سے خون عطیہ کیمپ کا انعقاد Blood Donation Camp in Kolkata کیا گیا، جس میں سینکڑوں افراد نے بڑھ چڑھ کر شرکت کی۔
اس موقع پر ریاستی وزیر جاوید احمد خان اور وارڈ نمبر 66 کے کاؤنسلر فیض احمد خان نے مہمان خصوصی کی حیثیت سے شرکت کی۔ ریاستی وزیر جاوید احمد خان نے تقریب سے خطاب کرتے ہوئے کہا کہ خون عطیہ کیمپ کے انعقاد Blood Donation Camp in Kolkata کرنا کئی اعتبار سے اہمیت کا حامل ہے۔ اس سے عام لوگوں کی راست مدد پہنچتی ہے۔
انہوں نے کہا کہ ممتا بنرجی کی قیادت والی ریاستی حکومت عام لوگوں کی حکومت ہے، جو ہمیشہ عوام کے لئے فلاح و بہبود کے کاموں کو پہلی ترجیح دیتی ہے۔
ان کا کہنا ہے کہ ملک کی دوسری ریاستوں کے مقابلے بنگال کے لوگ سکون سے رہتے ہیں اور مالی اعتبار سے خوشحال بھی۔ ایک حکومت سے اس سے زیادہ اور خواہش کیا کر سکتے ہیں۔
دوسری طرف وارڈ نمبر 66 کے کاؤنسلر فیض احمد خان نے کہا کہ خون عطیہ کیمپ ایک سماجی خدمت ہے۔ اس سے ہر مذہب کے لوگوں کو فائدہ پہنچتا ہے۔ Blood Donation Camp in Kolkata