'بدعنوان رہنماؤں کے خلاف کارروائی کرنی چاہیے'

ریاستی سیکرٹریٹ بلڈنگ 'نبنو' کے سامنے بی جے پی کی خاتون ونگ نے کٹ منی اور بگڑتی  لاء اینڈ آرڈر کے خلاف احتجاج کیا ۔ پولیس نے قانون کی خلاف روزی کرنے کے الزام میں متعدد خواتین کو حراست میں لیا ہے۔

مغربی بنگال میں ترنمول کانگریس اور بی جے پی کے حامیوں کے درمیان سیاست میں برتری کی جنگ جا ری ہے۔ بھارتیہ جنتا پارٹی کی خاتون ونگ نے کٹ منی اور بگڑتی لاء اینڈ آرڈر کے خلاف ریاستی سکریٹریٹ بلڈنگ نبنو کے سامنے گھنٹوں احتجاج کیا۔

بی جے پی خاتون ونگ نےاحتجاج کے دوران کہا کہ حکمراں جماعت ترنمول کانگریس کے ارکان اسمبلی، کونسلرز اور بڑے رہنماؤں کے کٹ منی میں ملوث ہونے کے باوجود ممتابنرجی خاموش ہیں۔

انہوں نے کہا کہ ترنمول کانگریس کی سربراہ کو اپنے بدعنوان رہنماؤں کے خلاف کارروائی کرنی چا ہیے۔تاکہ غریب لوگوں کو انصاف مل سکے۔

بی جے پی کی خاتون ونگ کے احتجاج کے سبب آمد ورفت ٹھپ پڑگئی۔ پولیس نے احتجاج میں شامل تمام خواتین کو سڑک سے ہٹا کر آمد و رفت دوبارہ بحال کرائی ہے۔

پولیس کا کہنا ہے کہ قانون کی خلاف ورزی کرنے کے الزام میں متعدد خواتین کو حراست میں لیا گیا ہے۔