مرکزی وزیرداخلہ اور بھارتیہ جنتاپارٹی (بی جے پی) کے سینئر لیڈر امت شاہ نے جمعرات کو دعویٰ کیا کہ مغربی بنگال میں بی جے پی 200 سے زیادہ سیٹوں پر کامیابی حاصل کرے گی۔
شاہ نے آج یہاں ایک ریلی سے خطاب کرتے ہوئے کہا کہ 'بی جے پی کو جیتنے سے کوئی نہیں روک سکتا۔ انہوں نے وزیراعلیٰ ممتابنرجی اور ان کے بھتیجے ابھیشیک پر نشانہ لگاتے ہوئے کہا کہ ’پریورتن یاترا‘ بوا-بھتیجا کی پھیلائی بدعنوانی کا خاتمہ کرے گی۔
مرکزی وزیرداخلہ نے کہا،’’ پریورتن یاترا‘ بنگال کے حالات تبدیل کرنے اور سرحد پر دراندازی کو روکنے کے لئے ہے۔ ہم ایک ایسی ریاست بنائیں گے جہاں ایک چڑیا بھی سرحد پار نہیں کرپائے گی۔ شاہ نے کہا کہ جب الیکشن ختم ہوگا تب محترمہ بنرجی بھی’جئے شری رام‘ کا نعرہ لگائیں گی۔مزید پڑھیں: بنگال میں حکومت بناؤں گی اور ملک بھی سنبھالوں گی: ممتا بنرجی
انہوں نے کہا،’’جئے شری رام کا نعرہ محترمہ بنرجی کو توہیں لگتا ہے، کیوں؟ اتنے سارے لوگ فخر سے یہ نعرہ لگاتے ہیں۔ آپ اس نعرے سے توہین کیوں محسوس کرتی ہیں؟ اس لئے کہ آپ کو ووٹ کے لئے ایک طبقے سے اپیل کرنی ہے۔
