پرشانت کشور اور بی جے پی میں نونک جھونک

ٹی ایم سی کے انتخابی پالیسی ساز پرشانت کشور نے دعویٰ کیا ہے کہ بی جے پی دہائی کے ہندسے تک نہیں پہنچے گی۔ بی جے پی کے کیلاش وجئے ورگیے نے اس پر جوابی حملہ کیا ہے۔

مغربی بنگال میں اسمبلی انتخابات کے لئے بی جے پی کی جارحانہ تشہیر کے درمیان حکمران جماعت ٹی ایم سی کے پالیسی ساز پرشانت کشور نے دعوی کیا ہے کہ مغربی بنگال میں بی جے پی دہائی کو ہندسے تک پہنچنے کے لئے جدوجہد کرنی پڑے گی۔

پرشانت نے ٹویٹ کر کے کہا 'میڈیا نے بی جے پی کے لیے ضرورت سے زیادہ ہی تشہیر کر رکھی ہے۔ لیکن حقیقت یہ ہے کہ مغربی بنگال میں، بی جے پی کو دہائی کا ہندسہ پار کرنے کے لیے جدوجہد کرنی پڑے گی۔

صرف یہی نہیں، پرشانت کشور نے اپنے ٹویٹ کو محفوط رکھنے کی اپیل کی اور کہا کہ اگر بی جے پی کی کارکردگی اس سے بہتر رہتی ہے تو وہ اس جگہ کو چھوڑ دیں گے۔

پرشانت کشور کے ٹویٹ پر بی جے پی نے جوابی حملہ کیا ہے۔ مغربی بنگال کے انچارج کیلاش وجئے ورگیہ نے ایک ٹویٹ میں لکھا کہ مغربی بنگال میں بی جے پی کی جو سونامی چل رہی ہے، سرکار بننے کے بعد اس ملک کو ایک انتخابی پالیسی ساز سے محروم ہونا پڑے گا۔'

وہیں ترنمول کانگریس کے کچھ رہنماؤں کے بی جے میں شامل ہونے پر پارٹی لیڈروں نے نشانہ لگایا۔ ترنمول کے ایک وزیر نے کہا کہ میر جعفروں کے پارٹی بدلنے پر ہنگامہ کرنے کی کوئی ضرورت نہیں ہے۔