انہوں نے کہا کہ بنگال کے عوام کی حمایت اور اعتماد ترنمول کانگریس کو حاصل ہے کیوں کہ ہم زمینی سطح پر کام کرتے ہیں اور عام لوگوں کیلئے جدو جہد کرنے پر یقین رکھتے ہیں۔
ممتا بنرجی نے کہا کہ بنگال میں صرف ترنمول کانگریس ہی بی جے پی کو شکست دے سکتی ہے۔ اپوزیشن جماعتوں کو بدنام کرنے کے لیے بی جے پی تمام مرکزی ایجنسیوں کا غلط استعمال کررہی ہے اور یہ بہت ہی خطرناک ہے۔
انہوں نے کہا کہ بی جے پی چاہتی ہے کہ تمام سیاسی جماعتیں اس کی بالادستی کو تسلیم کرلے مگر یہاں کے عوام جمہوریت پر یقین رکھتی ہیں وہ کبھی بھی اس طرح کی سوچ اور فکر پر یقین نہیں رکھتی ہے۔
ممتا بنرجی نے کہا کہ اس وقت ملک میں 20ملین نوجوان بے روزگار ہوگئے ہیں،مرکزی حکومت کی غلط پالیسیوں کی وجہ سے روزگار کے مواقع کم ہورہے ہیں۔
ممتا بنرجی نے دعویٰ کیا کہ بنگال کے 42میں سے 42سیٹوں پر ہم کامیابی حاصل کریں گے اور مودی بابو کے ہٹلر شاہی رویہ کو چلنے نہیں دیں گے۔
انہوں نے یہ بھی کہا کہ خواتین کے علاج کیلئے اُن کی پارٹی نے پانچ ہزار کروڑ روپے مشخص کیے ہیں۔مرکز نے اس فنڈ میں کوئی مدد نہیں کی ہے۔
مودی حکومت پر الزام تراشی کرتے ہوے انہوں نے کہا کہ بی جے پی اس مرتبہ ای وی ایم مشین کی مدد سے کامیاب نہیں ہوسکتی ہے۔ہم ہر ایک ووٹنگ مشین کی نگرانی کریں گے۔وی وی پی اے ٹی کے ذریعہ ہر ایک ووٹ کی تصدیق کریں گے۔
