ممتا حکومت پر مقدمات قائم کرنے کا الزام

بی جے پی کے سینیئر رہنما مکل رائے نے کہا ہے کہ 'ممتا حکومت ان کے خلاف جان بوجھ کر مقدمات قائم کررہی ہیں۔ یہ سب گھبراہٹ کا نتیجہ ہے۔'

مغربی بنگال بی جے پی کے سینیئر رہنما مکل رائے نے بابن گھوش کی گرفتاری کے بعد ممتابنرجی کی حکومت پر ان کے خلاف جھوٹے الزام میں پھنسانے کا الزام لگایا۔ ممتابنرجی انتقامی کارروائی کررہی ہیں۔'

ممتا حکومت پرجان بوجھ کر مقدمات قائم کر نے کاالزام

خیال رہے کہ کل رات کولکاتا پولیس نے بی جے پی مزدور یونین رہنما پون گھوش جو مکل رائے کے قریبی ہیں کو رشوت لینے کے معاملے میں گرفتار کیا ہے۔ اس معاملے میں درج ایف آئی آر میں مکل رائے کا نام بھی شامل ہے۔ بے ہالا کے رہنے والے سانتو گنگولی نے سروسونا پولیس اسٹیشن میں شکایت درج کرائی ہے۔

بزنس مین سانتو گنگولی کے مطابق بون گھوش نے اس وعدے پر چالیس لاکھ روپے رشوت لیے تھے کہ ریلوے وزیر کے ذریعہ انہیں مستقل ریلوے اسٹنڈنگ کمیٹی کا ممبر بنادیا جائے گا۔

بون گھوش نے انہیں دہلی لے جاکر پارلیمنٹ بھی لے گئے تھے۔وزیر ریلوے کے دستخط کردہ کچھ کاغذات بھی حولے کیے تھے۔مگر شک ہونے کے بعد وہ کاغذ لے کر ایسٹرن ریلوے ہیڈکوارٹرفیر لیس لین لے گئے تو وہاں معلوم ہوا کہ یہ سب جعلی کاغذات ہیں۔

بزنس مین نے کہا کہ جب یہ یقین ہوگیا کہ ان کے ساتھ دھوکہ دیا گیا ہے تو پولس اسٹیشن میں شکایت درج کرائی ہے۔پولس نے جانچ کرنے کے بعد بون گھوش کو ان کی رہائش گاہ سے گرفتار کیا ہے۔

پولس نے گھوش کے خلاف آئی پی سی کی دفعہ 420، 120اور 122کے تحت کیس درج کیا ہے۔بی جے پی نے الزامات کی تردید کرتے ہوئے کہا ہے کہ یہ جھوٹے کیس ہیں۔

مکل رائے نے کلکتہ ہائی کورٹ میں ضمانت کی عرضی دائر کی ہے۔اس معاملے میں کل سماعت ہوگی۔

انہوں نے کہا کہ میرے خلاف 20کیس اب تک درج کیے جاچکے ہیں۔ممتا بنرجی خوف کی شکار ہیں اس لیے مجھے پریشان کرنے کیلئے جھوٹے مقدمات قائم کیے جارہے ہیں۔