خواتین کے خلاف تشدد، بی جے پی کی ممتا حکومت پر تنقید

بی جے پی کی رکن پارلیمان لاکٹ چٹرجی نے ریاست میں خواتین پر گھریلو تشدد کی وارداتوں میں اضافہ ہونے پر ریاستی حکومت پر تنقید کی ہے۔

مغربی بنگال کے ضلع ہگلی سے بی جے پی کی رکن پارلیمان لاکٹ چٹرجی نے خواتین پر ہونے والے تشدد کی وارداتوں میں اضافہ ہونے پر ریاستی حکومت کو ہدف تنقید بنایا۔

رکن پارلیمان نے کہا کہ ملک کی دوسری ریاستوں کے مقابلے مغربی بنگال میں خواتین کے خلاف ہونے والے گھریلو تشدد کے واقعے میں اضافہ ہوا ہے۔ مغربی بنگال میں خواتین پر ہونے والے تشدد پر پردہ ڈالنے کی کوشش کی جاتی ہے یہ معاملے منظر عام پر نہیں آتے۔ دوسری ریاستوں میں خواتین کے خلاف ہونے والے تشدد کی واردارتوں کی خبر فوراً منظر عام پر آ جاتی۔

انہوں نے کہا کہ چنشورہ میں ایک نابالغہ کی عصمت دری ہوتی ہے۔ اس واقعے کے خلاف تھانے میں شکایت درج کرائی گئی۔ نابالغہ کی ماں نے مقامی باشندوں کی مدد سے تھانے میں شکایت درج کرائی۔ ان کی شکایت کی بنیاد پر عصمت دری کے الزام میں ایک نوجوان کی گرفتاری عمل میں آئی ہے۔

رکن پارلیمان کا کہنا ہے کہ حیرت کی بات یہ ہے کہ واقعہ کے 48 گھنٹوں کے اندر عصمت دری کے الزام میں گرفتار نوجوان کے خلاف شکایت واپس لے لی گئی۔

انہوں نے کہا کہ یہ سب کیا ہے؟ وزیراعلی ممتابنرجی خواتین کی سکیورٹی کو لے کر بڑی بڑی باتیں کرتی ہیں لیکن ان کی پارٹی کے رہنما قصورواروں کی حمایت میں آگے آجاتے ہیں۔

لاکٹ جٹرجی کے مطابق ترنمول کانگریس میں مختلف رہنماؤں کے لئے مختلف ضابطہ کا استعمال کیا جاتا ہے۔ اسی وجہ سے بڑے بڑے رہنما ترنمول کانگریس چھوڑ کر بی جے پی میں شامل ہو رہے ہیں۔ ایک دن آئے گا جب ترنمول کانگریس میں ممتابنرجی اور ان کے بھتیجے ابھیشک بنرجی کے علاوہ کوئی نہیں رہے گا۔

ترنمول کانگریس کے رکن اسمبلی اسیت مجمدار کا کہنا ہے کہ بی جے پی کے رہنماؤں کا دوسروں پر الزام لگانے کے علاوہ کوئی کام نہیں ہے۔

انہوں نے کہا کہ بی جے پی کی رکن پارلیمان کا الزام بے بنیاد ہے۔ پولیس پورے معاملے کی تفتیش کر رہی ہے سچائی بہت جلد سامنے آ جائے گی۔