کولکاتا: مغربی بنگال کے دارالحکومت کولکاتا سے سفر بیت اللہ پر جانے کے لیے پروازوں کا سلسلہ جاری ہے. گزشتہ دو سال لاک ڈاؤن کے بعد یہ پہلا موقع ہے جب ملک کی دوسری ریاستوں سے تعلق رکھنے والے عازمین حج کولکاتا سے سعودی عرب کے لیے سفر کر رہے ہیں۔ Bihar Haj pilgrims۔ بہار کے پٹنہ سے تعلق رکھنے والے نجمل حسن نظامی جو نظام فاؤنڈیشن کے برانچ چئیرمین بھی ہیں نے کہا کہ حج پر جانے والوں عازمین حج کے لیے جس طرح کے انتظامات کیے گئے ہیں وہ واقعی لاجواب ہے۔ Bihar Haj Pilgrims Happy in Kolkata Hajj Camp
کولکاتا حج کیمپ کے تشفی بخش انتظامات سے بہار کے عازمین حج خوش انہوں نے کہا کہ حج کیمپ کے دوران کہیں بھی کسی قسم کی کوئی لاپرواہی برتنے کا نام و نشان نہیں ہے. عازمین حج کے رہنے، کھانے پینے کے ساتھ ساتھ صاف صفائی کا پورا پورا خیال رکھا گیا ہے. ان کا کہنا ہے کہ مغربی بنگال کے راجیہ سبھا کے رکن ندیم الحق کو خود تمام انتظامات کا جائزہ لیتے ہوئے دیکھا گیا ہے. جب ایک ذمہ دار خود چوبیس گھنٹوں انتظامات پر نظر رکھے تو واقعی تعریف قابل بات ہے. سفر حج پر جانے والوں میں سے ایک دور درشن پٹنہ کے سابق ٹیکنیکل انجینیئرنگ ڈائریکٹر آر فیضی نے کہا کہ لاک ڈاؤن کے سبب دو سال بعد مکمل طور پر سفر حج کا اہتمام کیا جا رہا ہے. انتظامات دیکھ کر بے حد خوشی ہوئی ہے. انہوں نے کہا کہ عازمین حج کے انتظامات میں کسی قسم کی کوئی کسر نہیں چھوڑی گئی ہے. حج کیمپ میں رضاکاروں کی کارکردگی بھی لاجواب ہیں. وہ (رضاکار) عازمین حج کی مدد کے لیے ہر وقت دستیاب ہیں. انہوں نے کہا کہ کیمپ میں عازمین حج کے رہنے، کھانے پینے کے ساتھ ساتھ صاف صفائی کا پورا پورا خیال رکھا گیا ہے.ائرپورٹ جانے کے انتظامات بھی عمدہ ہیں. حکومت مغربی بنگال نے بہت اچھا کام کیا ہے۔ یہ بھی پڑھیں:
گارولیا ٹاؤن سے تعلق رکھنے والے ڈاکٹر ایم زیڈ حسین نے ای ٹی وی بھارت سے گفتگو کرتے ہوئے کہا کہ بہار، جھارکھنڈ، اڈیشہ سمیت شمال مشرق کی ریاستوں سے تعلق رکھنے والے عازمین حج کی بڑی تعداد موجود ہے. یہاں انتظامات دیکھ کر خوشی ہوئی. حج کیمپ کے انتظامات کے لیے جن لوگوں کی خدمات حاصل کی گئی ہے وہ پوری ذمہ داری کے ساتھ اپنی اپنی ذمہ داری نبھا رہے ہیں۔
