Sushil Kumar Modi سشیل کمار مودی کی ممتا حکومت پر تنقید

بہار بی جے پی کے سرکردہ رہنما سشیل کمار مودی نے دن ہاٹا میں بی جے پی کے مقتول رہنما پرشانت رائے بسونیا کے رشتہ داروں سے ملاقات کے بعد کہا کہ بنگال کی موجودہ حکومت کی سیاست کی وجہ سے تشدد کا بازارِ گرم ہے ۔

کوچ بہار: مغربی بنگال کے ضلع کوچ بہار کے دن ہاٹا کے دورے پر آئے بہار بی جے پی کے رہنما سشیل کمار مودی نے کہا کہ ملک کی دوسری ریاستوں میں بھی اپوزیشن جماعتیں ہیں۔ان کے رہنماؤں کو مارا پیٹا نہیں جاتا ہے۔سیاست سیاست کی طرح کی جاتی ہے انتقام نہیں لیا جاتا۔

بی جے پی کے رہنما نے کہا کہ مغربی بنگال ملک میں واحد ریاست ہے جہاں سب سے زیادہ تشدد کے واقعات رونما ہوتے ہیں ۔اس ریاست میں اپوزیشن جماعتوں بالخصوص بھارتیہ جنتا پارٹی کے رہنماؤں اور کارکنان پر نا صرف حملہ کیا جاتا ہے بلکہ انہیں موت کے گھاٹ اتار دیا جاتا ہے۔

سشیل کمار مودی کا کہنا ہے کہ بی جے پی کے رہنما پرشانت رائے بسونیا کو سیاسی انتقام کے تحت موت کے گھاٹ اتارا گیا ہے۔اس غریب کو مار کر کسی پارٹی کو کتنا فائدہ ہو سکتا ہے۔ریاست کے مختلف اضلاع میں بی جے پی کے کارکنان پر مسلسل حملے ہوئے ہیں۔

انہوں نے کہا کہ مغربی بنگال میں لا اینڈ آرڈر نام کی کوئی چیز نہیں ہے۔اس کے لئے ریاستی حکومت ذمہ دار ہے۔لا اینڈ آرڈر کو بہتر بنانے کی ذمہ داری ریاستی حکومت پر ہوتی ہے۔اس کو لے اس پر تنقید ہونی چاہئے۔

واضح رہے کہ گزشتہ ماہ دن ہاٹا میں بی جے پی کے رہنما پرشانت رائے بسونیا کی پراسرار موت ہو گئی تھی ۔سڑک کے کنارے سے اس کی لاش برآمد کی گئی تھی۔بی جے پی نے ترنمول کانگریس پر قتل کا الزام لگایا تھا ۔ترنمول کانگریس نے اس موت کو بی جے پی کے اندرونی اختلافات قرار دیا ہے۔