Civic Polls:الیکشن کمیشن آزادانہ طور پر کام کریں، نہ کی ایجنسی کے طور پر: جگدیپ دھنکر

مغربی بنگال میں بلدیاتی انتخابات یونے والے ہیں۔ حزب اختلاف کی طرف سے بار بار مطالبہ کیا جا رہا کہ تمام میونسپل کارپوریشن کے انتخابات ایک ساتھ کرائے جائیں لیکن ریاستی حکومت کولکاتا و ہوڑہ کارپوریشن کے انتخابات پہلے کرا رہی ہے۔ جس پر اب مغربی بنگال کے گورنر جگدیپ دھنکر نے بھی اعتراض کرتے ہوئے ریاستی الیکشن کمیشن کو کہا ہے کہ آزادانہ طور پر کام کریں، ریاستی حکومت کی ایجنسی کے طور پر کام نہ کریں۔

ہوڑہ کارپوریشن سے کچھ وارڈوں کو الگ کرکے الگ میونسپل کارپوریشن بنانے کے بل کو بنگال کے گورنر جگدیپ دھنکر نے روکنے کے بعد اب کولکاتا کارپوریشن اور ہوڑہ کارپوریشن کے انتخابات الگ کرانے کے فیصلے کو لیکر اعتراض کیا ہے۔

مغربی بنگال کی اپوزیشن جماعتوں کی جانب سے پہلے سے ہی ریاست کے تمام میونسپل کارپوریشنوں کے انتخابات ایک ہی دن کرانے کا مطالبہ کیا جا رہا ہے۔

ریاستی حکومت نے اب تک صرف کولکاتا کارپوریشن اور ہوڑہ کارپوریشن کے انتخابات آئندہ 19 دسمبر کو کرانے کا اعلان کیا ہے۔جس پر اب بنگال کے گورنر جگدیپ دھنکر نے بھی اعتراض کیا ہے۔

انہوں نے اس فیصلے کو لیکر ریاستی الیکشن کمیشن کی نکتہ چینی کرتے ہوئے تمام میونسپل کارپوریشن کے انتخابات ایک ہی تاریخ پر کرانے کا مطالبہ کیا ہے۔

منگل کے روز ریاستی الیکشن کمیشنر نے آج ان سے ملاقات کی ہوئی اس ملاقات کے دوران گورنر جگدیپ دھنکر نے ان سے تمام میونسپل کارپوریشن کے انتخابات ایک ہی تاریخ پر کرانے کا کو کہا، ساتھ ہی انہوں نے الیکشن کمشنر کو کہا کہ وہ ایک آزادانہ طور پر کام کریں۔

اس معاملے میں گورنر نے ریاستی الیکشن کمیشن کو خط لکھ کر ریاستی حکومت کی مشکلیں بڑھادی ہے۔

گورنر نے ریاستی الیکشن کمیشنر کے ساتھ چلی ایک گھنٹے کی میٹنگ میں کمیشن کو اس کی ذمہ داری اور اختیارات یاد کرائی۔

انہوں نے کہا ریاستی الیکشن کمیشن ریاستی حکومت کا کوئی ادارہ نہیں ہے اسی لئے کمیشن کو آزادانہ طور پر غیر جانبدار ہوکر کام کرنا چاہیے۔

انہوں نے اس سلسلے الیکشن کمیشن کو خط بھی لکھ کر دیا گیا ہے۔