بی جے پی اور ترنمول کے درمیان تلخ کلامی جاری

حکمراں جماعت ترنمول کانگریس کاکہنا ہے کہ بی جے پی کے کارکنان آسنسول میونسپل کارپوریشن میں توڑ پھوڑ کے ارادے سے آ ئے تھے مگر ان کی کوششوں کو ناکام بنادیا گیا۔

آسنسول میونسپل کارپوریشن کے میئر جتیندر تیواری نے پریس کانفرنس کے دوران میڈیا سے مخاطب ہوتے ہوئے کہاکہ بی جے پی کے کارکنان مظاہرہ کے دوران کارپوریشن دفتر میں داخل ہو کر توڑ پھوڑ کرنے کی کوشش کی تھی لیکن سخت سیکورٹی انتظامات کے سبب انہیں دفتر کے گیٹ تک پہنچنے نہیں دیا گیا۔

انہوں نے کہاکہ مغر بی بنگال پولیس نے نہ صرف میونسپل کارپوریشن کی حفاظت کی بلکہ علاقے میں فساد بر پا ہونے سے روکا ۔ پولیس کی کارکردگی قابل تعریف ہے۔

میئر نے کہاکہ آسنسول سے بی جے پی کے رکن پارلیمان بابل سپریو پر حملہ کر تے ہوئے کہاکہ اگر وہ (بابل سپریو) بی جے پی کے بندر ہیں تو ہمارے پاس ان بندروں کوپکڑنے کے لیے پنجڑے بھی ہیں۔

انہوں نے کہاکہ ہم آسنسول میں بی جے پی کے بندروں پکڑنے اور قابو میں کرنے کے لیے درجنوں پنجڑے بنا رکھے ہیں۔ ان بندروں کو آسانی سے پبجڑے میں قید کیا جا سکے۔

جتیندر تیواری کے مطابق پارلیمانی انتخابات کے بعد بی جے پی کے بندروں کی حرکتوں میں اضافہ ہو لیکن ہم نے انہیں بے قابو ہونے نہیں دیا ہے۔ ان بدمعاش بندروں کے لیے پنجڑوں کاجال آسنسول میں بچھا رکھا ہے۔

دوسری طرف آسنسول میں پولیس نے جھڑپ کے دوران فائرنگ کرنے کے الزام میں دس لوگوں کو گرفتار کیا ہے۔