مغربی بنگال کے ہوڑہ ضلع کے مسلم اکثریتی علاقہ آمتا میں طلبا تنظیم کے رہنما انیس الرحمن خان کی پراسرار موت کی تفتیش جیسے جیسے آگے بڑھ رہی ہے، کشیدگی مزید بڑھتی جا رہی ہے۔Bengal Anis Khan Murder Mystery
اسپیشل انوسٹیگیشن ٹیم کی تحقیقات شروع ہوئی تھی کہ انیس خان قتل معاملے میں مقتول کے بھائی کو جان سے مارنے کی کال ملنے کے سبب نیا رخ اختیار کر چکا ہے۔
مقتول انیس خان کے بھائی شبیر خان کو سی بی آئی جانچ کے مطالبے پر قائم رہنے پر فون پر جان سے مارنے کی دھمکی ملی۔
شبیر خان نے کہا کہ گذشتہ شب 10:15 منٹ پر ایک انجان نمبر سے فون آیا تھا۔ فون کرنے والے شخص نے واضح الفاظ میں کہا کہ سی بی آئی جانچ کے مطالبے سے پیچھے ہٹ جاؤ ورنہ تمہیں بھی مار دیا جائے گا۔
انہوں نے کہا کہ نامعلوم شخص نے مزید کہا کہ سی بی آئی جانچ کے مطالبے سے پیچھے نہیں ہٹے تو تمہارے بھائی کی طرح تمہیں اور تمہارے باپ کو بھی مار دیا جائے گا۔
مقتول کے بھائی کا مزید کہنا تھا کہ پولیس انتظامیہ کو دھمکی آمیز فون کال کے بارے میں تفصیلی جانکاری دی گئی۔