مغربی بنگال میں کورونا وائرس کے تقریباً چار ہزار نئے معاملے

مغربی بنگال میں کورونا کے مریضوں کی تعداد میں تیزی سے اضافہ ہو رہا ہے۔ گذشتہ 24 گھنٹوں کے دوران ریاست میں چار ہزار کے قریب نئے معاملات سامنے آئے ہیں۔

مغربی بنگال میں کورونا کے مریضوں کی تعداد میں تیزی سے اضافہ ہونے سے محکمہ صحت کی نیندیں اڑ گئی ہیں۔ ریاست میں گزشتہ 24 گھنٹوں کے دوران تین ہزار 3983 کورونا کے نئے معاملات سامنے آئے ہیں۔ اس کے علاوہ مرنے والوں کی تعداد میں بھی اضافہ ہوا ہے۔

محکمہ صحت کے مطابق کورونا کے مریضوں کی تعداد میں اضافہ ہونے کا سلسلہ جاری ہے۔ گزشتہ 24 گھنٹوں کے دوران 3983 نئے کیسز آئے ہیں۔ انہوں نے کہا کہ اس درمیان 53 لوگوں کی موت ہوئی ہے۔ لیکن اچھی بات یہ ہے کہ صحتیاب ہونے والوں کی تعداد میں اضافہ ہواہے۔

محکمہ صحت کا کہنا ہے کہ مغربی بنگال میں کورونا کے مریضوں کی کل تعداد تین لاکھ 21ہزار 343 ہے۔ جبکہ چھ ہزار لوگوں کی موت ہوئی ہے۔

ذرائع کے مطابق صحتیاب ہونے والوں کی تعداد میں بھی تیزی سے اضافہ ہو رہا ہے۔ لوگ احتیاطی تدابیر پر عمل کریں گے تو اس کی تعداد میں تیزی سے اضافہ ہونے کا امکان ہے۔

دوسری طرف طبی ماہرین کا کہنا ہے کہ تہواروں کا سیزن ہے اور عوامی مقامات پر بھیڑ امڈ رہی ہے اس سے کورونا کے مریضوں کی تعداد میں مزید اضافہ ہونے کا خدشہ ہے۔