ماہر معاشیات ابھیجیت بنرجی 22 اکتوبر کو کولکاتا پہنچ کر والدہ اور بھائی سے ملاقات کریں گے اور اگلا دن وہ اپنے اہل خانہ کے ساتھ گذاریں گے۔
اس بات کی اطلاع ابھیجیت بنرجی کے بھائی انیردھ بھاسکر بنرجی نے دی۔
قبل ازیں ابھیجیت بنرجی دہلی میں اپنی دوسری کتاب "گڈ اکنامکس فار یارڈ ٹائمس، بیٹر انسر ٹو آور بگیسٹ پرابلم" کا اجرا کریں گے۔
انیردھ نے مزید بتایا کہ ابھیجیت کا یہ پروگرام نوبل انعام حاصل کرنے سے قبل ہی طئے پاچکا تھا۔
ابھیجیت بنرجی کی والدہ نرملا بنرجی نے کہا کہ نوبل انعام جیتنے کے بعد سے ہی میں اپنے بیٹے کا خیر مقدم کرنے کی منتظر ہوں۔ انہوں نے کہا کہ اگر ابھیجیت کے والد باحیات ہوتے تو وہ بہت خوش ہوتے۔
دوسری جانب ریاستی حکومت کی جانب سے بھی ابھیجیت بنرجی کا خیرمقدم کرنے کے لیے تقریب منعقد کی جائے گی۔ تقریب میں نوبل انعام یافتہ و ماہر معاشیات امرتیہ سین بھی شرکت کریں گے۔