Three Year-Old Child Seriously Injured in Blast: بم پھٹنے سے ساڑھے تین سال کا بچہ شدید زخمی

شمالی 24 پرگنہ کے ٹیٹاگڑھ تھانہ علاقے میں آج اچانک ایک بم پھٹنے سے ساڑھے تین سال کا ایک بچہ شدید طور پر زخمی A Three-year-Old Child Seriously Injured in Blast ہو گیا۔ پولیس معاملے کی تحقیقات کررہی ہے۔

مغربی بنگال میں شمالی 24 پرگنہ کے ٹیٹاگڑھ تھانہ علاقے میں آج بم پھٹنے سے ساڑھے تین سال کا ایک بچہ شدید طور پر زخمی ہو گیا۔

موصولہ اطلاع کے مطابق یہ واقعہ آج سہ پہر ٹیٹاگڑھ تھانہ علاقے میں اس وقت پیش آیا جب ایک بچہ اپنے گھر کے سامنے کھیل رہا تھا تبھی آنگن میں چھپا بم اچانک پھٹ گیا۔

بم پھٹنے سے ساڑھے تین سال کا بچہ اس کی زد میں آکر شدید طور پر زخمی ہو گیا، مقامی باشندوں کی مدد سے زخمی بچے کو بی این بوس ہسپتال میں داخل کرایا گیا ہے۔ اس کی حالت مزید بگڑنے پر اسے آر جی میڈیکل کالج اینڈ ہسپتال منتقل کر دیا گیا۔

اس معاملے کے بعد جائے وقوع پر پہنچی پولیس نے نمونہ اکھٹا کرکے جانچ کے لئے بھیج دیا ہے، زخمی بچے کی شناخت راحت کے طور پر ہوئی ہے۔

پولیس نے مزید کہا کہ مقامی باشندوں سے پوچھ گچھ کی جا رہی ہے. تفتیش مکمل ہونے تک اس معاملے میں واضح طور پر کچھ بھی نہیں کہا جاسکتا ہے۔

زخمی بچے کی ماں کا کہنا ہے کہ وہ گھر کے سامنے کھیل رہا تھا تبھی ایک زوردار دھماکے کی آواز سنائی دی، گھر سے باہر نکلا تو دیکھا کہ بچہ شدید طور پر زخمی پڑا تھا۔

مقامی باشندوں نے اس معاملے میں ملوث شرپسندوں کی جلد سے جلد گرفتاری کا مطالبہ کیا ہے، اس واقعے کے بعد علاقے میں کشیدگی پھیل گئی ہے۔