ریاست اتراکھنڈ میں شہیریت ترمیمی قانون اور این ار سی کے خلاف احتجاج جاری ہے۔ ریاست کی عوام مظاہروں اور تحریکوں کے ذریعے اپنی ناراضگی کا اظہار کرتے ہوئے مرکزی حکومت سے قانون کو واپس لینے کا مطالبہ کر رہی ہیں۔
ریاست کے ہریدوار علاقے میں یوتھ کانگریس کے سینکڑوں کارکنوں نے مرکزی حکومت کی پالیسیوں اور بل کے خلاف احتجاجی دھرنا دیا۔
کانگریس کے کارکنوں نے ہریدوار کے جالا پور بالمیکی گھاٹ پر دھرنا مظاہرہ کیا۔ احتجاجیوں کے ہاتھوں میں شہریت ترمیمی قانون مخالف پلے کارڈ اور بینرز تھے۔
ادھر یوتھ کانگریس کارکنوں نے مرکزی حکومت کی معاشی پالیسیوں کی بھی شدید تنقید کی۔ انہوں نے کہا موجودہ حکومت نے مُلک کی معیشت تباہ کر دیا ہے۔
انہوں نے حکومت کو متنبہ کیا کہ اگر مذہب کی بنیاد پر لوگوں کو تقسیم کرنے کی پالیسی کو تبدیل نہیں کیا گیا اور شہریت ترمیمی قانون کو واپس نہیں لیا تو تحریکوں اور احتجاج میں تیزی لائی جائے گی۔
