ہریدوار: عرس کے دوران زائرین میں ہوئی جھڑپ

اتراکھنڈ کے ضلع ہریدوار میں جوالاپور علاقے میں عرس کے دوران زائرین میں جھڑپ ہوئی۔ اس دوران زائرین کو قابو کرنے کے لیے پولیس نے زبردست لاٹھی چارج کی۔

ریاست اتراکھنڈ کے جوالاپور علاقے کے تیلیان محلے میں موجود چراغ علی شاہ بابا کا 48واں عرس منایا جا رہا ہے۔ جس میں قوالی پروگرام کے دوران مقامی زائرین میں کرسیوں پر بیٹھنے کو لے کر بحث و مباحثہ اتنا بڑھ گیا کہ دیکھتے ہی دیکھتے وہاں موجود زائرین میں جھڑپ شروع ہوگئی۔

عرس کے دوران زائرین میں ہوئی جھڑپ

اطلاع پر پہنچی پولیس نے جھڑپ کر رہے لوگوں پر زبردست لاٹھیاں برساتے ہوئے حالات کو قابو کیا۔ جس کے بعد عرس کے پروگرام پورے کیے گئے۔

دوسری طرف اس معاملے میں درگاہ رحمت شاہ بابا مسجد کے امام قاری محمود عالم نے اس کی مذمت کرتے ہوئے کہا کہ لوگوں کو بزرگوں کے آستانے پر ایسی حرکتوں سے دور رہنا چاہیے۔