موسم کا مزاج بدلتے ہی علاقے کو برف کی سفید چادر نے ڈھک لیا

اتراکھنڈ میں موسم مزاج بدلتے ہی برفباری شروع ہونے لگی ہے، اس سال یہ گمان لگایا جارہا ہے کہ پچھلے سالوں کے بنسبت سیاح زیادہ آئیں گے۔

ریاست اتراکھنڈ میں ایک بار پھر سے موسم کا مزاج بدلنے سے سردی نے اپنا اثر دکھانا شروع کر دیا ہے ریاست کے پہاڑوں کی اونچی چوٹیوں پر شدید برف باری کے سبب تمام پہاڑوں اور علاقوں کو برف کی سفید چادر نے ڈھک لیا ہے۔

موسم کی دوسری برفباری کے دوران محکمہ موسمیات کے ڈائریکٹر وکرم سنگھ نے ریاست کے تمام لوگوں کو چوکنا کرتے ہوئے ہائی الرٹ جاری کیا ہے۔

انہوں نے کہا کہ' آنے والے دنوں میں بارش اور ژالہ باری کے ساتھ مزید برفباری کے امکانات ہیں، سیاحوں کے ساتھ ساتھ قانون سازوں کو بھی خبردار کیا جارہا ہے کہ وہ احتیاط برتیں۔ریاست کے تمام علاقوں کے پہاڑ برف سے ڈھکے ہوئے ہیں بھیکنڈ، بدری ناتھ دھام، ہیم کنڈ صاحب، اولی میں لگاتار برفباری سے اتراکھنڈ کا موسم سرد ہو چلا ہے۔

موسم کا مزاج بدلتے ہی علاقے کو برف کی سفید چادر نے ڈھک لیا

وہیں پہاڑوں میں برفباری کا لطف لینے والے سیاحوں کی آمد بھی شروع ہوگئی ہے، بتایا جا رہا ہے کہ اس سال گذشتہ سال کے مقابل سیاحوں کی تعداد زیادہ رہے گی۔