اتراکھنڈ: نوجوان کا بہیمانہ قتل

اتراکھنڈ کے گیر سینڈ میں واقع گاؤں نارائن باگڈ کے ایک نوجوان کا بے رحمی سے قتل کر دیا گیا۔

مقتول نوجوان کو اس کے اپنے دوستوں نے ٹکڑے ٹکڑے کر دفن کر دیا تھا، لاش برآمد ہونے کے بعد پولیس نے قاتلوں کو گرفتار کر لیا ہے۔

تفصیلات کے مطابق 6 مارچ سے اتراکھنڈ گیر سینڈ کے گاندیک گاؤں سے رنجیت نامی نوجوان لاپتہ ہوگیا تھا جس کی گمشدگی کی اطلاع اس کے سسر نے تھرالی پولیس اسٹیشن میں درج کی تھی۔

پولیس کو دی گئی شکایت میں نوجوان کے سسر نے بتایا تھا کہ اس کے داماد جو نیلگاؤں نارائن باگڈ کے اوکھمیت رودر پریاگ کے ساکن ٹھیکے دار کے ساتھ ڈرائیونگ کا کام کرتا ہے اس نے 6 مارچ کی رات 10 بجے اپنی اہلیہ پرینکا کو فون پہ بتایا تھا کہ وہ ہولی کے دوران گھر آئے گا لیکن اگلے ہی دن 7 مارچ سے رنجیت کا فون مسلسل بند ہے۔

اس کے بعد معاملے کی تفتیش کے دوران پولیس نے گاؤں میں رہنے والے رنجیت کے دوستوں سے سختی سے پوچھ تاچھ کی تو اس کے ساتھیوں نے لاپتہ رنجیت کو قتل کرنے اور اسے دفن کرنے کا اعتراف کیا۔

قاتلوں کی نشاندہی پر پولیس نے کئی گھنٹوں کی مشقت کے بعد لاش باہر نکالی۔

پولیس کے مطابق قاتلوں نے ایک مشین سے لاش کے کئی ٹکڑے کر کے دفن کردیا تھا۔

پولیس نے لاش کو پوسٹ مارٹم کے لیے روانہ کر دیا ہے، فی الحال پولیس ملزمین سے قتل کی وجوہات جاننے کے لیے کوشش کر ہی ہے