اتراکھنڈ: دو آئی اے ایس افسر کو آئیسولیشن وارڈ میں رکھا گیا

بھارت میں کورونا وائرس کے معاملات میں مسلسل اضافہ ہو رہا ہے۔ نئے کیسوں کی تصدیق کے بعد بھارت میں متاثرہ افراد کی تعداد 148 ہوگئی ہے، جن میں سے 122 بھارتی اور 25 غیر ملکی شہری ہیں۔

ریاست اتراکھنڈ کا مشہور سیاحتی مقام مسوری کے لال بہادر شاستری نیشنل اکیڈمی آف ایڈمنسٹریشن میں زیر تربیت دو آئی اے ایس افسر کو کورونا وائرس کے سبب مہاندی کیمپس کے آئیسولیشن وارڈ میں رکھا گیا ہے۔

کورونا وائرس کے زد میں آئے یہ دونوں افسر آئی ایف ایس افسر سے ملنے گئے تھے۔

اکیڈمی انتظامیہ سے مطالبہ کیا جارہا تھا کہ انہیں الگ تھلگ وارڈ میں رکھیں۔ ڈاکٹروں کی ٹیم دونوں پر خصوصی نگاہ رکھے ہوئے ہے۔

اس واقعے کے بعد سے لال بہادر شاستری نیشنل اکیڈمی آف ایڈمنسٹریشن میں صحت سے متعلق سرگرمیوں کے سلسلے میں عوام نے اپنے تشویش کا اظہار کیا ہے اس سلسلے میں لوگوں نے سوالات بھی اٹھائے ہیں۔

اکیڈمی میں 180 آئی اے ایس افسر سمیت سیکڑوں ملازمین موجود ہیں۔