مسوری: کار حادثے میں تین افراد ہلاک

مسوری میں ہوئے کار حادثے میں تین افراد کی موت ہوگئی ہے۔ جبکہ تین دیگر افراد شدید طور پر زخمی ہیں جن کا علاج جاری ہے ۔

ریاست اتراکھنڈ میں دہرادون مسوری روڈ پر ہاتھی پاؤں کے قریب ایک کار بے قابو ہوکر حادثے کا شکار ہوگئی۔ حادثے میں تین افراد کی موقع پر ہی موت ہوگئی جبکہ دیگر افراد شدید طور پر زخمی ہیں۔

واقعہ کی اطلاع پر موقع پر پہنچی پولیس کی ٹیم نے زخمیوں کو ہسپتال پہنچایا اور لاش کو قبضے میں لے کر پوسٹ مارٹم کے لئے ہسپتال روانہ کردیا ۔

بتایا جارہا ہے کہ کار میں سوار تمام افراد دوست کی سالگرہ منانے کے بعد واپس گھر جارہے تھے۔ اسی دروان یہ واقعہ پیس آیا۔ فی الحال پولیس معاملے کی تحقیقات کر رہی ہے ۔