نینی تال کی پہاڑیوں میں طلبا سیکھیں گے تھیئٹر کی باریکیاں

ایک ایسے ورکشاپ کا انعقاد ہونے جا رہا ہے جہاں طلبا تھیئٹر کی باریکیاں سیکھیں گے اور اپنے اندر کے فن پارے کو تراش سکیں گے۔

ریاست اتراکھنڈ کے فن کو دنیا کے سامنے لانے اور مقامی فنکاروں کے فن سے لوگوں کو روشناس کرانے کے لئے پہاڑوں میں ایک ماہ تک تھیٹر ورکشاپ کا انعقاد کیا جارہا ہے۔

آپ کو بتا دیں کہ نیشنل اسکول آف ڈرامہ رام نگر میں بھور سوسائٹی کے ساتھ مل کر ایک ماہ کی تھیٹر ورکشاپ کا انعقاد کرنے جارہا ہے۔

اس ورکشاپ کا انعقاد 14 فروری سے 15 مارچ تک کے درمیان پی این جی پی جی کالج میں ہوگی، بتایا جارہا ہے کہ اس ورکشاپ میں تھیٹر کی باریکی کی تعلیم دی جائے گی۔ اسی کے ساتھ ہی اس ورکشاپ سے جدید ٹکنالوجی کے تربیت یافتہ افراد کو بھی تقویت ملے گی۔