کڑاکے کی سردی سے بچنے کے لیے بابا رام دیو کے نسخے

جہاں لوگ شدید سردی کے باعث باہر نکلنے سے گریز کر رہے ہیں، تو وہیں دوسی جانب یوگا گرو بابا رام دیو نے کچھ ایسے دیسی طریقے بتائے ہیں، جس سے لوگوں کو راحت ملے گی۔

سردی میں مزید اضافے کے سبب لوگ گھروں سےنکلنے سے گھبراتے ہیں۔ سردی اس قدر ہے کہ گرم کپڑے پہننے کے باوجود ٹھند لگ رہی ہے۔ وہیں بابا رام دیو نے اس سردی سے بچنے کی کئی ترکیبیں بتائی ہیں۔

اتراکھنڈ کے ہریدوار میں موجود پتنجلی میں لوگوں کو یوگا سکھاتے ہوئے بابا رام دیو کا کہنا ہےکہ ٹھنڈ سے لوگوں کے بلڈ پریشر میں اضافہ ہو جاتا ہے، کیونکہ ٹھنڈ کے سبب بلڈ سرکولیشن کم ہو جاتا ہے۔ اس سے لوگوں کو کافی تکلیف ہوتی ہے اور ٹھنڈ میں سردی، زکام ہونے سے لوگوں کو کافی پریشانی ہوتی ہے۔ جن لوگوں کو ارتھائٹس ہے وہ ہلدی، میتھی اور سونٹھ کا پاؤڈر بنا کر صبح۔ شام ایک۔ایک چمچ لیں۔

اس کے ساتھ ہی ایلوویرا کا جوس بھی پئیں اور دودھ میں شلاجیت اور ہلدی ڈالکر پئیں۔ اس سے ارتھائٹس والے لوگوں کو فائدہ ہوگا۔ بابا رام دیو کا کہنا ہے کہ ساسری اور گلوئے کا کاڑھا پینے سے ٹھنڈ سے دور رہتے ہیں۔

بابا رام دیو نے ٹھںڈ سے بچنے کے لیے پرانایام کو بھی فائدے مند بتایا۔ بابا کا کہنا ہے کہ اس کے ساتھ ہی کئی گھریلو علاج ہیں جیسے شمالی بھارت کے لوگ گوند اور تل کے لڈو کھاتے ہیں، جس سے سردی کم لگتی ہے۔

ان کا کہنا ہے کہ کھجور اور چھوہارے دودھ میں ابال کر کھانے سے بھی ٹھنڈ سے بچاؤ ہوتا ہے، ساتھ ہی تل کا تیل یا سرسوں کے تیل سے مساج کرنا بھا فائدے مند ہوتا ہے۔ اس سے ہماری اسکن کے اندر ٹھنڈ نہیں جاتی۔

دل کے مریضوں کو ارجن کی چھال اور دال چینی ابال کر پینے سے ان کو ٹھنڈ میں کسی طرح کا نقصان نہیں ہوگا۔

بابا رام دیو کا کہنا ہے کہ سردی سے بچنے کے لیے سب سے اچھا طریقہ ہے کہ لوگ دوڑ لگائیں اور ساتھ ہی سوریہ نمسکار اور ڈنڈ بیٹھک لگائیں۔

بابا رام دیو کے ان نسخوں سے ٹھنڈ سے راحت ضرور ملے گی۔