Rape Case: ہریدوار میں سات سالہ لڑکی کی عصمت دری

سدکول تھانہ علاقہ میں سات سالہ معصوم بچی کے ساتھ درندگی کا واقعہ پیش آیا ہے۔ ملزم ایک 17 سالہ لڑکا ہے جسے متاثرہ لڑکی بھیا کہہ کر پکارتی تھی۔ متاثرہ لڑکی کے بیان کی بنیاد پرپولیس نے POCSO ایکٹ کے تحت مقدمہ درج کرتے ہوئے ملزم لڑکے کو گرفتار کرلیا ہے۔ پولیس کے مطابق بچی کی حالت تشویشناک ہے اور وہ اسپتال میں زیرعلاج ہے۔ Seven Year Old Girl Raped By 17 Year Old Boy In Haridwar

ہریدوار:اترا کھنڈ کے ہریدوار کے سدکول تھانہ علاقے گڑھ گاؤں کے رہنے والے 17 سالہ لڑکے نے محلے کی سات سالہ لڑکی کو اپنی ہوس کا شکار بنایا۔ لڑکی چیخ و پکار کرتی رہی اور ملزم کو بھائی بھائی کہتی رہی تاہم ملزم لڑکی سے زیادتی کرتا رہا۔ واردات کو انجام دینے کے بعد وہ موقعے سے فرار ہوگیا اور خون میں لت پت لڑکی روتی ہوئی اپنے گھر پہنچ کر اہل خانہ کو واقعے سے آگاہ کیا۔ لڑکی کی تشویشناک حالت دیکھ کر اہل خانہ اسے فوری طور پر قریبی نجی اسپتال لے گئے، جہاں اس کا علاج جاری ہے۔ جس کے بعد گھر والوں نے اس پورے معاملے کی اطلاع سدکول تھانے کو دی۔ پولیس نے معاملے کی سنگینی کو دیکھتے ہوئے ہسپتال میں بچی کا بیان ریکارڈ کیا اور فوری کارروائی کرتے ہوئے ملزم لڑکے کو گرفتار کر لیا۔

سدکول تھانہ صدر رمیش تنور نے بتایا کہ ملزم بھی متاثرہ لڑکی کے محلہ کا رہائشی ہے۔ کئی برسوں سے دونوں خاندان ایک ہی علاقے میں قیام پزیر ہیں اور ملزم روزانہ لڑکی کے گھر آیا کرتا تھا۔ اتوار کی شام کو لڑکی کو اکیلا دیکھ کر ملزم نے اس کے ساتھ زیادتی کی اور پھر لڑکی کو چھوڑ کر فرار ہو گیا۔رشتہ داروں کی اطلاع پر پولس نے پیر کو ملزم کو گرفتار کر لیا اور POCSO ایکٹ کے تحت مقدمہ درج کر لیا۔