Scouts and Guides اتراکھنڈ کے مدارس سمیت تمام تعلیمی اداروں میں اسکاؤٹس اور گائیڈز لازمی

اتراکھنڈ کے تمام تعلیمی اداروں میں اب اسکاؤٹس اور گائیڈ لازمی ہوں گے۔ مدارس میں بھی اسکاؤٹس اور گائیڈز کی یونٹ کا قیام ضروی قرار دیا گیا۔ اتراکھنڈ کے وزیر تعلیم دھن سنگھ راوت نے ڈائریکٹوریٹ جنرل آف اسکول ایجوکیشن، ننورکھیڑا میں بھارت اسکاؤٹس اینڈ گائیڈز اتراکھنڈ کے صدر کے طور پر پہلی جائزہ میٹنگ کی۔ انہوں نے عہدیداروں کو ہدایت دی کہ وہ مدارس سمیت ریاست کے تمام نجی اور سرکاری تعلیمی اداروں میں اسکاؤٹس اور گائیڈس کو لازمی طور پر نافذ کریں۔

ریاست اترا کھنڈ کے تمام تعلیمی اداروں میں بھارت اسکاؤٹس اور گائیڈز کے یونٹ لازمی طور پر قائم کیے جائیں گے، تاکہ بچوں کو اسکولی تعلیم کے ساتھ ساتھ نظم و ضبط اور اخلاقی اقدار کا علم بھی مل سکے، یہ نظام سرکاری تعلیمی اداروں کے ساتھ ساتھ نجی تعلیمی اداروں، سنسکرت اسکولوں اور مدارس میں بھی نافذ کیا جائے گا۔ اسی طرح ہائر ایجوکیشن کے تحت کالجز اور یونیورسٹیز میں روور رینجر یونٹس قائم کیے جائیں۔

وزیر تعلیم ڈاکٹر دھن سنگھ راوت نے ڈائریکٹوریٹ جنرل آف اسکول ایجوکیشن، ننورکھیڑا میں بھارت اسکاؤٹس اینڈ گائیڈس اتراکھنڈ کے صدر کے طور پر پہلی جائزہ میٹنگ کی، انہوں نے افسران کو ہدایت دی کہ وہ ریاست کے تمام نجی اور سرکاری تعلیمی اداروں میں اسکاؤٹس اور گائیڈ کو لازمی طور پر نافذ کریں۔ ڈاکٹر راوت نے کہا کہ موجودہ ماحول میں اسکولی تعلیم کے ساتھ ساتھ طلباء کو نظم و ضبط، سماجی اور اخلاقی اقدار کے بارے میں جاننا بھی ضروری ہے، جو انہیں آسانی سے اسکاؤٹ گائیڈ کی شکل میں دیا جاسکتا ہے۔

وزیر تعلیم نے کہا کہ قومی تعلیمی پالیسی 2020 میں بھی اسکولز میں اسکاؤٹس اور گائیڈز کو لازمی طور پر نافذ کرنے کی سفارش کی گئی ہے، اس کے پیش نظر ریاست میں اسکولی تعلیم کے ساتھ ساتھ سنسکرت ایجوکیشن اور مدرسہ بورڈ کے تحت تمام تعلیمی اداروں میں اسکاؤٹس اور گائیڈس کا ایک یونٹ قائم کیا جائے گا، اسی طرح ہائر ایجوکیشن کے تحت تمام تعلیمی اداروں اور یونیورسٹیز میں روور رینجر یونٹس بنائے جائیں گے۔ محکمہ کے وزیر نے کہا کہ اسکاؤٹس اور گائیڈس اور روور رینجرز میں رجسٹرڈ طلباء کو منشیات کی لت سے بچاؤ مہم، ٹی بی کے خاتمے اور سوچھ بھارت ابھیان سے بھی جوڑا جائے گا۔ ڈاکٹر راوت نے کہا کہ ریاست کے تمام اضلاع میں جلد ہی ڈسٹرکٹ اسکاؤٹ ماسٹر کے خالی عہدوں پر تعیناتی کی جائے گی۔

اسکاؤٹس اینڈ گائیڈس کے سکریٹری آر ایم کالا نے اسکاؤٹس اینڈ گائیڈس کی سرگرمیوں اور آپریشنز کے بارے میں تفصیلی پریزنٹیشن دی۔ انہوں نے بتایا کہ تربیت کے لیے ملک بھر میں بہت سے تربیتی مراکز قائم کیے گئے ہیں، ان میں اتراکھنڈ کے دو مراکز، علاقائی تربیتی مرکز شیتل کھیت الموڑہ اور علاقائی کیمپنگ سینٹر بھوپالپانی دہرادون شامل ہیں۔ انہوں نے بتایا کہ اسکاؤٹس اینڈ گائیڈز کی تنظیم، تربیت، انتظامی اور انتظام کے بنیادی طور پر چار اجزاء ہیں۔ جس کے تحت مختلف سرگرمیاں کی جاتی ہیں۔ 18 سال سے زیادہ عمر کے طلباء کے لیے 100 سے زیادہ ہنر کی تربیت ہے، ریاست میں تقریباً 80 قسم کی سرگرمیاں منعقد کی جاتی ہیں۔

اس میں سٹار گیزنگ، میپ ریڈنگ، پائنیرنگ، فاسٹڈ، اسٹیمیشن، فائر فائٹنگ، ڈیزاسٹر مینجمنٹ، ریڈر شپ، پرسنالٹی ڈیولپمنٹ وغیرہ شامل ہیں۔ انہوں نے بتایا کہ ریاست کے ثانوی اور اعلیٰ تعلیم کے طلباء نے بنگلہ دیش، پاکستان، سری لنکا، امریکہ، متحدہ عرب امارات، برطانیہ وغیرہ ممالک میں بین الاقوامی سطح پر جمبوری میں حصہ لیا ہے۔ اس کے علاوہ سال 2021-22 میں 46 اسکاؤٹ گائیڈز اور 3 راؤرز کو صدر ایوارڈ کے لیے منتخب کیا گیا۔ اس سے قبل محکمہ کی ریاستی چیف کمشنر سیما جونسری نے محکمہ کے وزیر کو بھارت اسکاؤٹس اینڈ گائیڈز اتراکھنڈ کا صدارتی میڈلین اور اسکارف پہنایا۔