'ثالثی ملک کے حق میں بہتر ہے'

ہندو مذہبی رہنما شری شری روی شنکر نے کہا کہ اگر رام جنم بھومی معاملہ ثالثی سے حل ہوتا ہے تو یہ ملک کے لیے بہت اچھا ہوگا۔

اتراکھنڈ کے نینی تال میں آج آرٹ آف لیونگ کی طرف سے منعقدہ مہاستسنگ میں انہوں نے شرکت کی۔ اس موقع پر میڈیا سے بات کرتے ہوئے رام جنم بھومی تنازع پر آپسی بات چیت پر زور دیا۔

خیال رہے کہ سپریم کورٹ نے شری شری روی شنکر سمیت 3 لوگوں کو رام مندر تنازعہ حل کرنے کیلئے ثالث نامزد کیا ہے۔

دوسری جانب مجلس اتحاد المسلمین کے سربراہ اسد الدین اویسی نے روی شنکر کو ثالثی گروپ میں شامل کرنے پر اعتراض کیا اور کہا کہ وہ تو متنازع مقام پر مندر کے حامی ہیں وہ کیسے اس معاملے میں غیر جانب دار رہیں گے۔