سی اے اے این آر سی کے خلاف احتجاج

احتجاج کے پیش نظر صبح سے ہی پیران کولیئر کو ایک کیمپ میں تبدیل کردیا گیاہے اور بھاری پولیس فورس تعینات کردی گئی ہے۔

ریاست اتراکھنڈ کے پیراں کلیار میں شہریت ترمیمی قانون اور این آر سی کے خلاف بھیم آرمی کا احتجاج شروع ہوگیا ہے۔

گزشتہ دنوں بھیم آرمی نے اعلان کیا تھا کہ سی اے اے، این آر سی کے خلاف احتجاج کے لئے پیراں کلیار میں شاہین باغ کی طرز پر دھرنا مظاہرہ کیا جائے گا۔

بھیم آرمی نے انتظامیہ سے اس احتجاج کے لیے اجازت طلب کی تھی لیکن انتظامیہ نے اجازت نہیں دی تھی، بھیم آرمی نے اپنا ارادہ نہیں بدلا اور آج اپنے کارکنان اور دیگر تنظیموں کے لوگ پیراں کلیار پہنچ گئے اور دھرنا شروع کیا۔

مظاہرین نے اس قانون کے خلاف شدید نعرے بازی کی اور اس قانون کو واپس لینے کا مطالبہ بھی کیا۔ اس دوران مظاہرین نے احتجاج کے مقام پر ہی نماز ادا کی۔

بھیم آرمی کے ریاستی صدر مہک سنگھ نے کہا کہ 'وہ پر امن طریقے سے شہریت ترمیمی قانون کے خلاف احتجاج کر رہے ہیں۔'

اس موقع پر انتظامیہ پولیس کی بھاری نفری تعینات تھی۔