PM Modi's Uttarakhand Visit پی ایم مودی کا اتراکھنڈ دورہ، فوجی جوانوں سے ملاقات کی

وزیراعظم نریندر مودی نے اتراکھنڈ کے پتھورا گڑھ میں شیو اور پاروتی کی پوجا ارچنا کی۔ یہاں وہ ایک عوامی جلسہ سے خطاب بھی کریں گے۔ اس دوران تقریباً 4200 کروڑ روپے کے منصوبے کا سنگ بنیاد رکھیں گے۔ PM Modi visit Gunji village

نینی تال:وزیر اعظم نریندر مودی اتراکھنڈ کے دورے پر ہیں۔ پی ایم مودی جمعرات کی صبح اتراکھنڈ کے پتھورا گڑھ پہنچے اور پاروتی کنڈ میں پوجا ارچنا کی اور آدی کیلاش کے درشن کرنے کے ساتھ ہی گنجی میں فوج کے جوانوں سے ملاقات کی۔ پی ایم مودی بریلی سے براہ راست چین کی سرحد سے متصل چھوٹے کیلاش (آدی کیلاش) پہنچے۔ جیولنکونگ ہوائی اڈے سے وہ پاروتی کنڈ پہنچے نیز شیو اور پاروتی کی پوجا ارچنا کی۔ یہاں موجود پروہتوں نے انہیں روایتی طریقے سے پوجا ارچنا کرائی۔ انہوں نے آدی کیلاش کے بھی درشن کیے، ڈمرو اور شنکھ بھی بجایا۔ پاروتی جھیل کے کنارے بیٹھ کر انہوں نے آدی کیلاش پروت کے درشن کئے۔

یہ بھی پڑھیں:راہل گاندھی کو راون دکھانے پر پرینکا گاندھی کا پی ایم مودی سے سوال
یہاں سے وزیر اعظم بلند ہمالیائی علاقے میں چین کی سرحد سے متصل گنجی پہنچے۔ انہوں نے گنجی، نابھی، کوٹی اور بوندی گاؤں کے لوگوں سے ملاقات کی۔ گاؤں والوں نے یہاں روایتی انداز میں ان کا استقبال کیا۔وزیراعظم نریندر مودی نے چین کی سرحد پر تعینات انڈو تبت بارڈر پولیس، ایس ایس بی اور بارڈر روڈز آرگنائزیشن کے اہلکاروں سے بھی ملاقات کی۔ انہوں نے یہاں آرٹ کی نمائش کا بھی دورہ کیا۔
پتھورا گڑھ میں پی ایم مودی ایک جلسہ عام سے خطاب کریں گے۔پروگرام میں وزیر اعلی پشکر سنگھ دھامی اور اتراکھنڈ کے تمام کابینہ وزیر اور ممبران پارلیمنٹ موجود رہیں گے۔ریلی کے بعد پی ایم مودی تقریباً 4200 کروڑ روپے کے منصوبے کا سنگ بنیاد بھی رکھیں گے۔