اتراکھنڈ: کسان میلے کا انعقاد

ریاست اتراکھنڈ کے ضلع ادھم سنگھ نگر میں واقع پنت نگر میں مرکزی ڈرگ ریسرچ انسٹی ٹیوٹ کے ذریعے یک روزہ کسان میلہ کا انعقاد کیا گیا۔ جس میں ملک کے متعدد ریاستوں کے کسانوں نے حصہ لیا۔

میلے کا افتتاح پنت نگر زرعی یونیورسٹی کے وائس چانسلر تیج پرتاپ نے کیا۔ اس ایک روزہ میلے میں کسانوں کو سائنسی انداز میں کاشت کاری، کسانوں کو سائنسی آلات کا استعمال، خوشبودار پودوں کی کاشت، گلاب کے پانی کی متعلق تربیت سمیت کسانوں کو اچھی فصل کی پیداوار کی ٹریننگ دی گئی۔

اس میلے میں دہلی، پنجاب، ہریانہ، بہار، اترپردیش، ہماچل اور اتراکھنڈ کے تقریباً دو ہزار کسانوں نے حصہ لیا۔

اس دوران میلے کے منتظم نے بتایا کہ ہر برس کی طرح اس بار بھی بھارت کے کسانوں کے لیے کسان میلہ کا انعقاد کیا گیا ہے۔ جس میں ملک کی متعدد ریاستوں کے کسان حصہ لیتے ہیں۔