ٹنک پور میں ایک لاکھ سے زائد کے نقلی نوٹوں کے ساتھ ایک شخص گرفتار

اتراکھنڈ کے ضلع چمپاوت ضلع کے ٹنک پور میں اسپیشل آپریشن گروپ (ایس او جی) اور پولیس کی ٹیم نے ایک لاکھ روپے سے زائد کے نقلی نوٹوں کے ساتھ ایک ملزم کو گرفتار کیا ہے۔ جعلی نوٹوں کے اس کاروبار میں ملوث دیگر ملزمان کی تلاش جاری ہے۔

چمپاوت پولیس سے موصولہ اطلاع کے مطابق ایس او جی اور پولیس ٹیم کی جانب سے جمعرات کی شب ٹنک پور میں واقع آئی ٹی آئی کے پاس سمگلروں کے خلاف چیکنگ مہم چلائی گئی۔

اس دوران ٹیم نے ایک موٹرسائیکل سوار کو روکا اورچیکنگ کے دوران اس کے قبضے سے 1،05،000 روپے کے نقلی نوٹ برآمد ہوئے ۔ جس میں 500 کے 37000 اور 100 کے 68000 روپے کے نقلی نوٹ شامل تھے۔

پولیس نے ملزم کو فوری طور پر گرفتار کرلیا۔ ساتھ ہی تھانہ ٹنک پور میں معاملہ درج کرکے ضروری کارروائی کی جارہی ہے۔

ملزم نے بتایا کہ وہ نقلی نوٹ ہلدوانی کے رام پور روڈ کے وارڈ نمبر 17 کے رہنے والے نتن راٹھور سے لے کر آیا ہے۔ جنیں وہ ٹنک پور میں استعمال کرناچاہتا تھا ۔ پولیس معاملے کی تفتیش کے ساتھ ہی گروہ کے دیگر ممبروں کی گرفتاری میں مصروف ہے ۔

یو این آئی