قبروں کی حفاظت سے متعلق حکومت سے مطالبہ

ریاست اتراکھنڈ میں اقلیتوں کی فلاح و بہبود کے لیے متعدد اسکیمز چلائی گئیں ہیں، مگر اس کا فائدہ اقلیتی فرقہ کو حاصل نہیں ہو پا رہا ہے۔

ریاستی حکومت نے اتراکھنڈ کے تمام قبرستانوں کے لیے چہاردیواری کا منصوبہ بناتے ہوئے عملی جامہ تو بنایا پر آج بھی صوبے کے متعدد قبرستان اپنی حفاظت کو ترستے ہوئےنظر آرہے ہیں۔

ضلع ادھم سنگھ نگر کے کاشی پور کا یہ وہ قبرستان ہے، جس میں جہاں بارش اور نالے کا پانی قبروں میں سما رہا ہے تو وہیں چہاردیواری نہیں ہونے کے سبب یہاں دن بھر منشیات کے عادی کا ٹھکانہ بنا رہتا ہے، جن سے قبروں کی بے حرمتی کا ڈر بنا ہوا ہے۔

چہاردیواری نہیں ہونے کے سبب جانور بھی قبرستان کی کھدائی کر دیتے ہیں۔

مقامی لوگوں کے ساتھ ہی انتظامیہ لوگوں کا کہنا ہے کہ حکومت سے کئی بار قبرستان کی چہاردیواری کی درخواست کی گئی پر ابھی تک کوئی سنوائی نہیں ہو رہی ہے۔