مہاجرمزدورقرنطینہ کے بجائے گھرپہنچے

اتراکھنڈ کے ہلدوانی میں عالمی وبا کووڈ -19 گائیڈ لائن کی خلاف ورزی کرنے کے الزام میں دوسگے بھائیوں کے خلاف معاملہ درج کیا گیا ہے۔

پولیس سے پیر کو ملنے والی معلومات کے مطابق ہلدوانی کے ہری پور نائک کے رہنے والے دو سگے بھائی سنیل سنگھ اور بھگوان سنگھ پسر پورن سنگھ چوپھال پیر کو دہلی کے ریڈ زون سے ہلدوانی لوٹے ہیں۔

صحت محکمے کے حکام کی جانب سے گائیڈ لائن کے مطابق انہیں سات دن کے لیے ادارہ جاتی کورنٹن اور 14 دن کے ہوم قرنطینہ میں رہنے کا مشورہ دیا گیا۔

مکھانی کے تھانہ انچارج بھگوان سنگھ مہر نے بتایا کہ دونوں بھائی قرنطینہ کے بجائے اپنے گھر چلے گئے۔ محکمہ صحت نے اس کی اطلاع پولیس کو دی۔ محکمہ صحت کی تحریر پر دونوں کے خلاف مکھانی تھانے میں معاملہ درج کر لیا گیا ہے۔