لکھیم پور کھیری معاملے کو لے کر اتراکھنڈ کے کاشی پور میں کانگریس کارکنان نے شہر کی سڑکوں پر یوگی اور مودی حکومت کے خلاف احتجاج کیا۔
لکھیم پور کھیری تشدد: اتراکھنڈ میں کانگریس کا احتجاج احتجاج کے دوران کانگریس نے اتر پردیش کے وزیراعلیٰ یوگی آدتیہ ناتھ کے خلاف نعرے بازی کی اور الزام عائد کیا کہ اتر پردیش کی یوگی حکومت اور مرکز کی مودی حکومت کسانوں کی تحریک کو کچلنے اور مارنے پر اتر آئی ہے۔
کانگریس نے لکھیم پور کھیری معاملے پر پورے اتراکھنڈ میں یوگی اور مودی حکومت کے خلاف سخت احتجاج کیا اور ساتھ ہی کارکنوں نے گرفتاری بھی دی۔
یہ بھی پڑھیں: راہل اور پرینکا گاندھی کو ملی لکھیم پور جانے کی اجازت
اتراکھنڈ کے کاشی پور میں کانگریس کارکنوں نے کوتوالی میں احتجاج کرتے ہوئے اے ایس پی کے معرفت اتر پردیش گورنر کے نام ایک میمورنڈم دیتے ہوئے مطالبہ کیا کہ 'قاتلوں کو گرفتار کیا جائے اور سخت کارروائی کی جائے۔'
