اتراکھنڈ میں واٹراسپورٹس اینڈ ایڈونچر انسٹی ٹیوٹ کا آغاز

مرکزی وزیر کھیل کیرن ریجیجو اور وزیر اعلی تیرتھ سنگھ راوت نے مشترکہ طور پر اتراکھنڈ کے ٹہری کی کوٹی کالونی میں واٹر اسپورٹس اینڈ ایڈونچرانسٹی ٹیوٹ کا افتتاح کیا۔

وزیر کھیل نے اس موقع پر کہا کہ ہمارے ملک میں آبی کھیلوں کی بے پناہ صلاحیت موجود ہے اور اتراکھنڈ واٹر اسپورٹس اور ایڈونچر کی سرگرمیوں کے لئے سب سے موزوں جگہ ہے۔ ٹریکنگ، راک کلائمبنگ، پیرا گلائڈنگ، اسکوبا ڈائیونگ، پیرا موٹر، آل ٹرین موٹر بائک، کیاکنگ، کینوئنگ، اسکیئنگ وغیرہ کی ٹریننگ پاکر کھلاڑی ملک کے نام روشن کریں گے'۔ انہوں نے کہا کہ' 20 سال تک اس انسٹی ٹیوٹ کو چلانے کے لئے آئی ٹی بی پی کی فراہمی کے فیصلے کے ساتھ بہت سے کھلاڑی ملک کی نمائندگی کرنے والے اس انسٹی ٹیوٹ سے ابھریں گے'۔

مسٹر ریجیجو نے کہا کہ' ہمارے ملک میں باصلاحیت کھلاڑیوں کی کمی نہیں ہے۔ بین الاقوامی سطح پر بہتر کارکردگی کا مظاہرہ کرنے کے لئے انہیں مناسب تربیت اور سہولیات کی فراہمی کے لئے بہت ساری کوششیں کی جارہی ہیں۔

انہوں نے کہا کہ' یہ الگ بات ہے کہ واٹر اسپورٹس کے میدان میں ہمارے ملک کو اولمپک، ایشین گیمز، دولت مشترکہ وغیرہ میں کوئی خاص کامیابی حاصل نہیں ہوئی ہے۔ اس سمت میں مرکزی حکومت کی طرف سے خصوصی توجہ دی جارہی ہے۔