سی اے اے اور این آر سی کو منسوخ کیا جائے گا

ہریش راوت نے وزیر اعظم نریندر مودی اور وزیر داخلہ امیت شاہ کو ملک کے خراب حالات کا ذمہ دار ٹھہرایا اور کہا کہ ایسے قوانین کے ذریعہ مرکزی حکومت اپنی ناکامیوں کو عوام سے چھپانا چاہتی ہے۔

اتراکھنڈ کے سابق وزیر اعلی ہریش راوت نے آج ادھم سنگھ نگر میں اپنے دورے کے دوران صحافیوں سے گفتگو کرتے ہوئے کہا کہ جب مہاتما گاندھی، جواہر لال نہرو اور بابا امبیڈکر جیسے عظیم شخصیات نے ذات پات اور مذہب کی بنیاد پر ملک کا آئین نہیں بنایا تو ہم مودی حکومت کو کیسے ملک کو بانٹنے دیں گے؟ انہوں نے کہا اگر کانگریس حکومت مرکز میں برسراقتدار آتی ہے تو شہریت ترمیمی قانون کو واپس لیا جائے گا۔

ہریش راوت ادھم سنگھ نگر کے دورے کے دوران کارکنوں سے ملنے کاشی پور پہنچے تھے۔

ہریش راوت نے میڈیا کے سوالوں کا جواب دیتے ہوئے وزیر اعظم نریندر مودی اور وزیر داخلہ امیت شاہ کو ملک کے خراب حالات کا ذمہ دار ٹھہرایا اور کہا کہ ایسے قوانین کے ذریعہ مرکزی حکومت اپنی ناکامیوں کو عوام سے چھپانا چاہتی ہے۔

انہوں نے کہا کہ بی جے پی حکومت نے جو وعدے حکومت میں آنے سے پہلے کیے تھے وہ پورے نہیں ہوئے، لہذا اسے عوام کی توجہ ہٹانے کے لئے ایسے کالے قوانین کا سہارا لینا پڑ رہا ہے۔

انہوں نے کہا کہ مرکز میں کانگریس کی حکومت کے قیام کے بعد اس طرح کے تمام قوانین کو ختم کرنے کے لئے کام کیا جائے گا۔