ٹرین کی زد میں آنے سے چار افراد ہلاک

ہریدوار، لکسور ریلوے لائن پر گذشتہ شب تیز رفتار ٹرین کی زد میں آنے سے چار افراد کی موت واقع ہوگئی۔

ریاست اتراکھنڈ کے ہریدوار، لکسور ریلوے لائن پر گذشتہ شب تیز رفتار ٹرین کی زد میں آنے سے چار افراد کی موت واقع ہوگئی۔

اطلاعات کے مطابق ہریدوار میں کمبھ میلے کے پیش نظر ہریدوار لکسور ریلوے لائن کو چوڑا کیا گیا ہے جس کی آزمائش گزشتہ شب کی جارہی ہے تبھی اچانک چار افراد ٹرین کی زد میں آگئے جس سے ان کی موقع پر ہی موت واقع ہوگئی۔

مقامی لوگوں کے اطلاع پر پہنچے رکن اسمبلی سوامی یتیشورانند نے ریلوے انتظامیہ پر الزام عائد کرتے ہوئے کہا کہ 'نئی ریلوے لائن بنائی گئی ہے، لہذا ٹریک پر آزمائش سے قبل لوگوں کو آگاہ کیا جانا چاہئے تھا جس کے لئے ریلوے مکمل طور پر ذمہ دار ہے۔

موقع پر پہنچی ہریدوار پولیس نے لاشوں کو قبضہ میں لے کر پوسٹ مارٹم کے لئے روانہ کردیا۔