ای وی ایم بد عنوانی: کانگریس کے امیدواروں کی عرضی پر 14 اکتوبر کو شنوائی

اتراکھنڈ میں ای وی ایم میں بد عنوانی سے متعلق دائر عرضیوں پر منگل کے روز شنوائی ملتوی کی گئی اور اب اس معاملے کی شنوائی آئندہ 14 اکتوبر کو ہوگی۔

جسٹس لوکپال سنگھ کی بینچ میں شنوائی سے قبل عرضی گزار اور فریقوں کی جانب سے وقت کا مطالبہ کیا گیا۔ عدالت نے اسے قبول کرتے ہوئے شنوائی کے لیے اگلے ماہ 14 اکتوبر کی تاریخ مقرر کی ہے۔

وکاس نگر سے کانگریس کے امیدوار اور سابق کابینی وزیر نو پربھات، راجپور روڈ دہرادون سے راج کمار، منصوری سے گوداوری تھاپلی، بی ایچ ای ایل رانی پور سے امریش کمار، پرتاپ نگر (ٹہری) اسمبلی سے وکرم سنگھ نیگی کی جانب سے ای وی ایم مشینوں میں چھیڑ چھاڑ کے سلسلے میں سنہ 2017 میں الگ-الگ عرضیاں دائر کی گئیں تھیں۔

کانگریس کے شکست خوردہ پانچ امیدواروں کی جانب سے کہا گیا کہ الیکشن کے دوران ان اسمبلی حلقوں میں ای وی ایم مشینوں میں بدعنوانی ہوئی جس کے سبب انھیں شکست کا سامنا کرنا پڑا ہے۔