عیدالاضحی، ضلع انتظامیہ نے مسلم رہنماوں کے ساتھ میٹنگ منعقد کی

جوائنٹ مجسٹریٹ اکانشا ورما نےکہا، عید کے موقع پر جانوروں کا ذبح کرتے وقت دیگر برادریوں کے جذبات کو ملحوظ خاطر رکھیں۔ اور سوشل میڈیا پر تصاویر وغیرہ اپ لوڈ نہ کریں۔

ملک میں بقرعید کے نام سے مشہور عید الاضحی میں بھائی چارے کو برقرار رکھنے اور دوسری برادری کے جذبات مجروح نہ ہو، اسے یقینی بنانے کے لئے ضلع اودھم سنگھ نگر پولیس نے مشق تیز کردی ہے۔

ضلع کے دیگر تھانوں کے ساتھ، افسران نے آج کاشی پور کوتوالی میں علاقے کی اقلیتی برادری کے سماجی کارکنوں کے ساتھ ایک میٹنگ کی، جہاں سی او کاشی پور اکشے پرہلاد اور علاقے کے جوائنٹ مجسٹریٹ اکانشا ورما نے مسلم کمیونٹی سے بات کی۔

انھوں نے کہاعید کے موقع پر جانوروں کا ذبح کرتے وقت دیگر برادریوں کے جذبات کو ملحوظ خاطر رکھیں۔ اور سوشل میڈیا پر تصاویر وغیرہ اپ لوڈ نہ کریں۔انھوں نے امن برقرار رکھنے پر زور دیا۔

اس دوران، مسلم معاشرے کے رہنماؤں نے انتظامیہ سے بجلی، پانی اور صفائی سمیت دیگر معاشرتی ضروریات کو مدنظر رکھتے ہوئے بہتر انتظامات کرنے کی اپیل کی۔