کورونا کی وجہ سے آسٹریلیا میں کرنی پڑی شادی

جس پور کی رہنے والی سپنا سدھو آسٹریلیا میں ملازمت کرتی ہیں۔ وہ اپنے آسٹریلوی منگیتر سے بھارت میں شادی کرنا چاہتی تھیں لیکن بھارت میں کورونا کی بڑھتی وبا کی وجہ سے انہیں کورونا کی وجہ سے مجبوراً آسٹریلیا میں شادی کرنی پڑی۔

کورنا وائرس نے تمام شعبوں کو متاثر کرنے کے ساتھ ساتھ لوگوں کے پروگراموں اور شادی کی تقریبات کو بھی متاثر کیا ہے۔ ایسا ہی جس پور کی سپنا سدھو کے ساتھ بھی ہوا ہے۔ سپنا کی شادی آسٹریلوی منیٹیر جوزی سے ہونی تھی لیکن کورونا کی وجہ سے درپیش مشکلات کے سبب یہ شادی تقریب آسٹریلیا میں منعقد کرنی پڑی۔

شاید گھر والوں کی قسمت میں اپنی بیٹی کی شادی میں شریک ہونا نہیں لکھا تھا۔ اسی لیے سپنا کے گھر والے ویزا ملنے کے باجود فلائٹ نہیں ہونے کی وجہ سے آسٹریلیا نہیں جا سکے۔

سپنا سدھو اور جوزی نے سنیچر کو آسٹریلیا میں کورٹ میرج کر لی۔ گھر والوں نے جے پور سے ہی بیٹی اور داماد کو آن لائن آشیرواد دیا اور آن لائن ہی شادی کی تقریب کا مشاہدہ بھی کیا۔

سپنا سدھو سات سال سے آسٹریلیا میں رہ رہی ہیں۔ ایک کنسٹرکشن کمپنی میں سیلز ایگزیکٹیو مینیجر کے طور پر کام کر ہی سپنا نے وہاں کی شہریت بھی حاصل کر لی ہے۔ ان کے شوہر جوزی فٹنس اور ڈائٹ ایکسپرٹ کے ساتھ سائبر سیکیورٹی کے ماہر بھی ہیں۔