ریاست اتراکھنڈ کے ضلع ہلدوانی کے عبداللہ بلڈنگ کے قریب یومیہ مزدوروں کا مارکیٹ گزشتہ کئی برسوں سے قائم ہے، لیکن کرونا بحران کے بعد مزدور طبقہ اس مارکیٹ میں بہت زیادہ فروخت ہونے کے لئے پہنچ رہے ہیں، کیوں کہ ان کے پاس روزگار کے کوئی دیگر مواقع نہیں ہیں۔
اس مارکیٹ میں ہر روز مزدورں کی بولی لگتی ہے اور اسی لحاظ سے وہ فروخت ہو کر یومیہ کام پر جاتے ہیں، مزرو طے شدہ رقم پر دن بھر کام کرتے ہیں اور شام کو گھر واپس آجاتے ہیں اور مزدوری کو جو پیسہ ملتا ہے اسی سے اپنا اور اپنے اہل و اعیال کا پیٹ پالتے ہیں۔
مزدور صبح 6:00 بجے مارکیٹ میں پہنچ جاتے ہیں اور 10:00 بجے تک خود کو ایک طے شدہ رقم پر دن بھر کے لئے کسی کے حوالے کر دیتے ہیں اور وہ شخص دن بھر ان سے کام لیتاہے اور شام کو طے شدہ رقم دے کر واپس کر دیتا ہے۔
ایک مزدور نے کہا کہ حکومت کسانوں اور مزدوروں کو روزگار دینے کے لئے بہت ساری سکیمیں چلانے کی بات کرتی ہے، سرکاری ڈیٹا کی بات کریں تو حکومت منریگا کے تحت مزدوروں کو 100 دن کے روزگار کی ضمانت کی بات کرتی ہے، لیکن ان مزدوروں کو ان سرکاری اسکیموں سے کوئی فائدہ نہیں ملتا ہے اور مجبوراً مزدور روزانہ خود کو فروخت کرنے کے لئے تیار ہوجاتے ہیں۔
