عام بجٹ پر ہریش راوت کی تنقید

سابق وزیر اعلی ہریش راوت نے آج مرکزی حکومت پر تنقید کرتے ہوئے کہا کہ گزشتہ روز پیش کیا گیا بجٹ عوام کے خلاف ہے۔

ریاست اتراکھنڈ کے سابق وزیر اعلی ہریش راوت آج اپنے ذاتی دورے پر ادھم سنگھ نگر کے ستار گنج پہنچے، جہاں پہلے سے موجود کانگریس کارکنان نے ان کا پرزور استقبال کیا۔

اس دوران ہریش راوت نے مودی حکومت پر تنقید کرتے ہوئے کہا کہ 'حکومت نے یہ بجٹ نہیں بلکہ عوام کا دشمن پیش کیا ہے جو نہ ملازمت میں اضافہ کرے گا اور نہ ہی کاروبار میں اضافہ کرے گا۔'

انہوں نے کہا کہ یہ بجٹ صرف کارپوریٹ ہاؤسز کے لئے ڈیزائن کیا گیا ہے۔ اس بجٹ کا شکار عام لوگ ہوں گے، انہوں نے یہ بھی کہا کہ کاشتکاروں کو ان کے گنے کی واجب قیمت بھی نہیں مل رہی ہے اور نہ ہی حکومت گنے کی مناسب قیمت ادا کررہی ہے۔