اتراکھنڈ کانگریس کے نائب صدر دھریندر پرتاپ نے یہ اطلاع دیتے ہوئے کہا کہ وفد نے وینگوپال کو راجستھان سے راجیہ سبھا کا ٹکٹ دینے پر مبارکباد دی اور اتراکھنڈ میں کانگریس کو مضبوط بنانے کے لئے جاری تمام سرگرمیوں سے آگاہ کیا۔
اتراکھنڈ: کانگریس کے رہنما کی وینوگوپال سے ملاقات - کانگریس پارٹی کے جنرل سکریٹری کے سی وینوگوپال
اتراکھنڈ کانگریس کے صدر پریتم سنگھ کی سربراہی میں ریاستی کانگریس کے متعدد رہنماؤں نے ہفتے کے روز پارٹی کے جنرل سکریٹری کے سی وینوگوپال سے ملاقات کی اور انہیں اتراکھنڈ آنے کی دعوت دی۔
کانگریس کے رہنما کی وینوگوپال سے ملاقات
کے سی وینوگوپال سے ملنے گئے قائدین نے ان سے راجیہ سبھا انتخابات جیتنے کے بعد اتراکھنڈ کا دورہ کرنے اور وہاں پارٹی کی سرگرمیاں دیکھنے کی اپیل کی۔
کے سی وینوگوپال سے ملاقات کرنے والے قائدین میں پریتم سنگھ ، کانگریس لیجسلیچر پارٹی کے نائب رہنما کرن مہرہ، سابق ایم ایل اے رنجیت سنگھ راوت ، جنرل سکریٹری وجے سرسوت ، جنرل سکریٹری راجندر شاہ ، نائب صدر دھریندر پرتاپ اور سابق وزیر مملکت اجے سنگھ شامل تھے۔