بادل پھٹنے سے تین افراد ہلاک

ریاست اتراکھنڈ کے ضلع پتھورا گڑھ کے تحصیل بنگاپانی کے گیلہ ٹانگا میں دیر رات بادل پھٹنے کا سانحہ رونما ہوا۔ بادل پھٹنے سے ایک مکان منہدم ہوگیا جس میں تین افراد کے ہلاک ہونے کی اطلاع ہے۔ وہیں 11 افراد لاپتہ بھی بتائے جا رہے ہیں۔

ایس ڈی آر ایف ڈیزاسٹر مینجمنٹ ٹیم، ایس ڈی ایم اور رکن اسمبلی موقع پر پہنچے۔ وہیں علاقے کے مقامی باشندے راحت اور امدادی کاموں میں مصروف ہیں۔ بہت زیادہ بارش کی وجہ سے راستہ بھی بہہ گیا ہے۔

وہیں شدید بارش سے ملبے کے باعث ٹنکپور تواگھاٹ شاہراہ بند کردی گئی ہے۔ پہاڑی اور دور دراز علاقوں کی وجہ سے موبائل سگنل کام نہیں کررہے ہیں۔ اس وجہ سے اطلاعات حاصل کرنے میں بھی دشواری ہو رہی ہے۔ راحت اور بچاؤ کے کاموں میں بھی پریشانی ہو رہی ہے۔