پھولوں کی اس وادی پرگلوبل وارمنگ کا سایہ

ہر شخص چاہتا ہے کہ وہ ایسے پہاڑوں کی سیر کرے جہاں ہر طرف قدرتی مناظر ہو، رنگ برنگے پھولوں کی چادر بچھی ہو جس سے خوشبو کی مہک اٹھ رہی ہو۔

ہم بات کر رہے ہیں دنیا بھر میں مشہور پھولوں کی وادی کی، جو ریاست اتراکھنڈ میں واقع ہے۔ اور اسے دیکھنے کے لیے ہر سال ملک اور بیرون ملک سے لاکھوں سیاح آتے ہیں۔
فضا کو خوشبو سے معطر کر دینے والے یہ پھول، سبز باغات اور درختوں والا یہ مقام بیرونی سیاحوں میں مقبول ہے۔ تاہم اس سیاحتی مقام پر ماحولیاتی تبدیلی کا خوف بھی منڈلا رہا ہے۔

گلوبل وارمنگ سے یہ وادی بری طرح متاثر ہو رہی ہے۔پھولوں کی وادیوں اور سبزہ زاروں کے درمیان ایسے زہریلے پودے اگ رہے ہیں جو وادی کی خوبصورتی کے دشمن ہیں۔یہ زہریلے پودے ان سبزہ زاروں کو سخت نقصان پہنچا رہے ہیں۔سیاحوں نے اس سلسلے میں حکومت سے خصوصی اقدامات کا مطالبہ کیا۔ اب دیکھنے والی بات یہ ہو گی کہ حکومت اس تعلق سے کتنی سنجیدگی کا مظاہرہ کرتی ہے۔