اتراکھنڈ کے سابق وزیراعلیٰ کے خلاف مقدمہ درج

سی بی آئی نے اتراکھنڈ کے سابق وزیراعلیٰ ہریش راوت کے خلاف دلبدل قانون کے تحت کیس درج کیا ہے۔

ہریش راوت پر الزام ہے کہ انہوں نے حکومت بنانے کے لیے بی جے پی رکن اسمبلی کو مبینہ طور پر خیریدنے کی کوشش کی تھی۔اس سلسلے میں 2016 میں ایک ویڈیو منظر عام پر آیا تھا جس میں ہریش راوت کو بی جے پی رکن اسمبلی کی تائید حاصل کرنے کے لیے خرید و فروخت کے لیے بات چیت کرتے دیکھا گیا تھا۔

واضح رہے کہ حال ہی میں، اتراکھنڈ ہائی کورٹ نے سی بی آئی کو اس معاملے میں اپنی تحقیقات کو آگے بڑھنے اور راوت کے خلاف ایف آئی آر درج کرنے کی منظوری دی تھی۔

اتراکھنڈ کی بی جے پی حکومت نے بھی ان کے خلاف قانونی کاروائی کو منظوری دی تھی۔