'سی اے اے اور این آر سی ملک کو تباہ کرنے والا قانون'

شہریت ترمیمی قانون اور این آر سی پر کانگریس رہنما نے مودی حکومت پر تنقید کرتے ہوئے کہا کہ 'یہ قانون ملک میں زبردستی نافذ کیا جارہا ہے'۔

ملک بھر میں شہریت ترمیمی قانون اور این آر سی پر مرکزی حکومت کے خلاف مسلسل احتجاج کیا جارہا ہے اور ملک کے تمام شہروں میں مظاہرے ہو رہے ہیں۔

ریاست اتراکھنڈ کے رشیکیش میں سابق وزیر اور کانگریس کے رہنما شوربیر سنگھ سجوان نے مودی حکومت پر تنقید کرتے ہوئے کہا کہ 'آج ملک میں جو صورتحال موجود ہے وہ مرکزی حکومت کی من مانی رویہ کی وجہ سے ہے'۔

پریس کانفرنس کے دوران انہوں نے کہا کہ 'سی اے اے این آر سی نہ صرف مسلمانوں کے خلاف ہے بلکہ ہر بھارتی کے خلاف ہے اس طرح کے قانون کو واپس لیا جانا چاہئے'۔

شوربیر سنگھ سجوان نے مزید یہ بھی کہا کہ 'اس قانون کے خلاف مرکزی اور ریاستی حکومت کے خلاف اتراکھنڈ میں 28 تاریخ کو بڑا احتجاج کیا جائے گا۔